സഭ നിര്ത്തിവെച്ച് ചര്ച്ച ചെയ്യണം; യോഗിയുടെ കേരളത്തിനെതിരായ പരാമർശത്തിൽ അടിയന്തരപ്രമേയത്തിന് നോട്ടീസ് നല്കി ജോണ് ബ്രിട്ടാസ്
കേരളത്തിനെതിരായ യുപി മുഖ്യമന്ത്രി യോഗി ആദിത്യനാഥിന്റെ പരാമര്ശം പാര്ലമെന്റില് ഉന്നയിച്ച് സിപിഎം. വിഷയത്തില് അടിയന്തരപ്രമേയത്തിന് രാജ്യസഭയില് നോട്ടീസ് നല്കി. ജോണ് ബ്രിട്ടാസ് എം.പിയാണ് അടിയന്തരപ്രമേയ നോട്ടീസ് നല്കിയത്. സഭ നിര്ത്തിവെച്ച് ചര്ച്ച ചെയ്യണമെന്ന് ജോണ് ബ്രിട്ടാസ് എം.പി ആവശ്യപ്പെട്ടു.
അതേസമയം, യോഗി ആദിത്യനാഥിന്റെ പരാമര്ശത്തിനെതിരെ മുഖ്യമന്ത്രി പിണറായി വിജയന്, പ്രതിപക്ഷ നേതാവ് വിഡി സതീശന്, രാഹുല് ഗാന്ധി എന്നിവര് രംഗത്തെത്തിയിരുന്നു. സോഷ്യൽ മീഡിയയിൽ യോഗിക്ക് ഹിന്ദിയിലും ഇംഗ്ലീഷിലുമായി മുഖ്യമന്ത്രി പിണറായി വിജയന് മറുപടി നല്കിയിരുന്നു.
ഉത്തർ പ്രദേശ് കേരളമായാല് മികച്ച വിദ്യാഭ്യാസ സൗകര്യമുണ്ടാകും, ആരോഗ്യ സേവനങ്ങളുണ്ടാകും, സാമൂഹിക ക്ഷേമമുണ്ടാകും, ജീവിതനിലവാരമുണ്ടാകും സര്വ്വോപരി ജാതിയുടെയും മതത്തിന്റെയും പേരില് മനുഷ്യര് കൊല്ലപ്പെടാത്ത ഒരു സമൂഹവുമുണ്ടാകുമെന്നാണ് മുഖ്യമന്ത്രി പിണറായി വിജയന് പറഞ്ഞത്.