കേരളത്തിൽ നാല് ഒമിക്രോൺ കേസുകൾ കൂടി സ്ഥിരീകരിച്ചതായി ആരോഗ്യമന്ത്രി
15 December 2021
കേരളത്തിൽ പുതുതായി നാല് ഒമിക്രോൺ കേസുകൾ കൂടി സ്ഥിരീകരിച്ചതായി ആരോഗ്യമന്ത്രി വീണ ജോർജ് . സംസ്ഥാനത്താദ്യമായി ഒമിക്രോൺ സ്ഥിരീകരിച്ച എറണാകുളം സ്വദേശിയുടെ ഭാര്യ,ഭാര്യാ മാതാവ്, കോംഗോയിൽ നിന്നുവന്ന എറണാകുളം സ്വദേശി, ബ്രിട്ടനിൽ നിന്നുവന്ന തിരുവനന്തപുരം സ്വദേശിക്കുമാണ് പുതിയതായി രോഗം സ്ഥിരീകരിച്ചത്.
ഇതോടുകൂടി നിലവിൽ കേരളത്തിൽ ഒമിക്രോൺ സ്ഥിരീകരിച്ചവരുടെ എണ്ണം അഞ്ചായി ഉയർന്നു. ബ്രിട്ടനിൽ നിന്നും അബുദാബി വഴി ഡിസംബര് 6ന് കൊച്ചിയിലെത്തിച്ചേര്ന്നയാള്ക്കാണ് ഒമിക്രോണ് ആദ്യമായി കേരളത്തിൽ സ്ഥിരീകരിച്ചത്.