അവസാന കൊവിഡ് രോഗിക്കും രോഗം ഭേദമായി; കുവൈറ്റ് സീറോ കൊവിഡ് സ്റ്റാറ്റസിലേക്ക്
6 November 2021
കഴിഞ്ഞ വ്യാഴാഴ്ച കുവൈറ്റിലെ മിശ്രിഫ് ഫീല്‍ഡ് ആശുപത്രിയിലെ അവസാന കൊവിഡ് രോഗിയും രോഗം ഭേദമായി പുറത്തിറങ്ങി. ഇതോടുകൂടി സീറോ കൊവിഡ് സ്റ്റാറ്റസ് ഏതാനും ദിവസത്തിനകം നേടുന്ന രാജ്യമായി മാറാന്‍ കുവൈറ്റിന് സാദ്ധ്യതയേറി.
ആശുപത്രിയുടെ ഡെപ്യൂട്ടി ഡയറക്ടറായ ഡോ.ഫൗസി അല്‍ ഖവാരി ഈ വാര്‍ത്ത ട്വിറ്ററിലൂടെ അറിയിക്കുകയായിരുന്നു.രോഗമുക്തി നേടിയയാള്‍ക്ക് ആശുപത്രിയിലെ ആരോഗ്യപ്രവര്‍ത്തകരും ആശുപത്രി അധികൃതരും യാത്രയയപ്പ് നല്‍കി. നിലവിൽ രോഗമുക്തി നിരക്ക് 99.33 ആണ് നിലവില്‍ കുവൈറ്റില്‍.
രാജ്യത്തിന്റെ ആരോഗ്യമന്ത്രാലയം അറിയിച്ചതനുസരിച്ച് ഇപ്പോള്‍ 18 പേരാണ് ചികിത്സയിലുളളത്. ഇവരും വൈകാതെ രോഗമുക്തി നേടുമെന്നാണ് പ്രതീക്ഷ. നേട്ടം കൈവരിക്കാന്‍ സഹായിച്ച ആരോഗ്യ പ്രവര്‍ത്തകരോടും കുവൈറ്റ് ആരോഗ്യമന്ത്രി ഷെയ്ഖ് ബാസില്‍ അസ്വബാഹിന്‍ നന്ദി പറഞ്ഞു.
