കേദാർനാഥ് സന്ദർശനം; പ്രധാനമന്ത്രി പുനര്നിര്മ്മിച്ച ശങ്കരാചാര്യ പ്രതിമ രാജ്യത്തിന് സമര്പ്പിച്ചു
കേദാർനാഥ് സന്ദർശനത്തിൽ ക്ഷേത്രത്തിലെ പൂജകളില് പ്രധാനമന്ത്രി പങ്കെടുത്തശേഷം ശങ്കരാചാര്യരുടെ പ്രതിമ അനാച്ഛാദനം ചെയ്ത്, രാജ്യത്തിന് സമര്പ്പിച്ചു. ഇതോടൊപ്പം ഇവിടുത്തെ 310 കോടി രൂപയുടെ വികസന പദ്ധതികളും പ്രധാനമന്ത്രി ഉദ്ഘാടനം ചെയ്തു.
ഡെറാഡൂണ് വിമാനത്താവളത്തിലെത്തിയ പ്രധാനമന്ത്രിയെ ഉത്തരാഖണ്ഡ് ഗവര്ണര് ലഫ്റ്റനന്റ് ജനറല് ഗുര്മിത് സിങ്ങും മുഖ്യമന്ത്രി പുഷ്കര് സിങ് ധാമിയും ചേര്ന്നാണ് സ്വീകരിച്ചത്. സംസ്ഥാനത്തെ സംസ്ഥാന തെരഞ്ഞെടുപ്പ് നടക്കാനിരിക്കേയാണ് ഉത്തരാഖണ്ഡിലെ വികസന നേട്ടം ഉയര്ത്തികാണിക്കുന്ന രീതിയിൽ ഈ വന്പരിപാടി നടത്തുന്നത്.
പ്രധാനമന്ത്രിയുടെ പ്രതിമ അനാച്ഛാദന ചടങ്ങ് ഒരുപാട് സ്ഥലങ്ങളില് പ്രദര്ശിപ്പിക്കുന്നുണ്ട്. അതേസമയം, ശങ്കരാചാര്യരുടെ ജന്മനാടായ കാലടിയിലും ചടങ്ങുകള് നടക്കുന്നുണ്ട്. കാലടിയിലെ മഹാസമ്മേളനത്തില് കേന്ദ്രമന്ത്രി കിഷന് റെഡ്ഡി പങ്കെടുക്കും.