ഇത് മൈക്കൽ കാംപ്ബെൽ; അറിയപ്പെടുന്നത് ‘ലോകത്തിലെ ഏറ്റവും പേടിപ്പെടുത്തുന്ന മുഖമുള്ള കുറ്റവാളി’

single-img
25 October 2021

മിസോറിയിൽ നിന്നുള്ള മൈക്കൽ കാംപ്ബെൽ എന്ന എന്ന കുറ്റവാളി അറിയപ്പെടുന്നത് ‘ലോകത്തിലെ ഏറ്റവും പേടിപ്പെടുത്തുന്ന മുഖമുള്ള കുറ്റവാളി’ എന്ന പേരിലാണ്. ഇതിനുള്ള കാരണം രസകരമാണ്. ഇയാളുടെ മുഖം മുഴുവൻ പച്ചകുത്തിയിരിക്കയാണ്. 46വയസുള്ള കാംപ്ബെല്ലിന്റെ യഥാർത്ഥ മുഖം എന്തെന്ന് തന്നെ തിരിച്ചറിയാൻ പറ്റാത്തവിധമാണ് ഇപ്പോൾ മുഖം മുഴുവൻ ടാറ്റൂ പതിപ്പിച്ചിരിക്കുന്നത്.

ആദ്യം നെറ്റിയിൽ പെന്റഗ്രാം, പിന്നാലെ കഴുത്തിന്റെ ഭാഗത്ത് ഒരു ബോ ടൈയും ഒരു നായ, ഷേവ് ചെയ്ത തലയുടെ വശത്ത് 88 എന്ന നമ്പർ എന്നിങ്ങനെ വിവിധ രീതിയിലുള്ള ടാറ്റൂവാണ് കാംപ്ബെൽ പതിപ്പിച്ചിരിക്കുന്നത്. കാംപ്ബെല്ലിന്റെഇയാളുടെ മുഖത്തു ത്വക്കിന്റെ ശരിയായ നിറം കാണാനാവുക മൂക്കിലും ചെവിയിലും കഴുത്തിന്റെ ഒരു ഭാഗത്തും മാത്രമാണ്. പക്ഷെ ഇത്തരത്തിൽ മുഖത്ത് മുഴുവൻ പച്ചകുത്തി കാഴ്ചയിൽ ഒരു ഭീകര രൂപമുള്ളതുകൊണ്ടല്ല കാംപ്ബെല്ലിന് ‘ലോകത്തിലെ ഏറ്റവും പേടിപ്പെടുത്തുന്ന മുഖമുള്ള കുറ്റവാളി’ എന്ന വിശേഷണം.

പകരം, കുട്ടികളെ ലൈംഗീകമായി പീഡിപ്പിക്കാൻ ശ്രമിച്ച കുറ്റമാണ് കാംപെല്ലിന് ഈ കുപ്രസിദ്ധി നേടികൊടുത്തിരിക്കുന്നത്. അടുത്ത ദിവസങ്ങളിൽ പോലും വീണ്ടും സമാന കുറ്റം ചെയ്തതിന് കാംപ്ബെൽ പോലീസ് പിടിയിലായിയിരുന്നു.എന്നാൽ, തനിക്കെതിരെ ഉയർന്ന പുതിയ ബലാത്സംഗ കുറ്റം കാംപ്ബെൽ നിഷേധിക്കുകയും പരസ്പര സമ്മതത്തോടെയാണ് താൻ അത് ചെയ്തത് എന്ന് പറയുകയും ചെയ്തു.

നേരത്തെ 2020-ൽ സ്വത്ത് നശിപ്പിക്കുക, ആക്രമണം തുടങ്ങിയ കുറ്റങ്ങൾക്ക് കാംപ്ബെൽ ആറ് മാസം തടവിലായിരുന്നു. അതിനുമുമ്പ്, മറ്റൊരാളെ ആക്രമിച്ചതിന് മൂന്നാം ഡിഗ്രി ആക്രമണത്തിന് കാംപ്ബെല്ലിനെതിരെ കേസെടുത്തിരുന്നു. കാംപ്ബെൽ തന്റെ ആദ്യ കുറ്റകൃത്യം ചെയ്യുന്നത് 20 വയസ്സുള്ളപ്പോഴാണ്. അപ്പോൾ മുഖത്ത് ഒരു ടാറ്റൂ മാത്രമേ ഉണ്ടായിരുന്നുള്ളൂ.