ഗോഡ്സെയുടെ പാര്ട്ടിയുടെ തലപ്പത്തുള്ളവര്ക്ക് കമ്യൂണിസ്റ്റ് പാര്ട്ടിയുമായാണ് ബന്ധം: പികെ കൃഷ്ണദാസ്
ഗാന്ധിജിയെ വെടിവെച്ചുകൊന്ന നഥുറാം വിനായക് ഗോഡ്സെ കമ്യൂണിസ്റ്റായിരുന്നെന്നും ഗോഡ്സേയുടെ രാഷ്ട്രീയ പാര്ട്ടിയുടെ തലപ്പത്തുള്ളവര്ക്ക് കമ്യൂണിസ്റ്റ് പാര്ട്ടിയുമായാണ് ബന്ധമെന്നും ബി ജെ പി നേതാവ് പി കെ കൃഷ്ണദാസ്.
ഗോഡ്സെയുടെ കാലത്ത് ഹിന്ദു മഹാസഭയുടെ അധ്യക്ഷന് എന് സി ചാറ്റര്ജിയായിരുന്നു. എന് സി ചാറ്റര്ജിയുടെ മകനാണ് സോമനാഥ് ചാറ്റര്ജി. അവരുടെ കുടുംബപശ്ചാത്തലം മുഴുവന് കമ്യൂണിസ്റ്റ് പാര്ട്ടിയുടേതായിരുന്നതായി കണ്ണൂരില് മാധ്യമങ്ങളോട് സംസാരിക്കവേ അദ്ദേഹം പറഞ്ഞു..
ആദ്യ ഘട്ടത്തില് എന് സി ചാറ്റര്ജിയും സോമനാഥ് ചാറ്റര്ജിയുമെല്ലാം ഹിന്ദു മഹാസഭയുമായി ബന്ധപ്പെട്ടവരാണ്. അതിന് ശേഷം സോമനാഥ് ചാറ്റര്ജി കമ്യൂണിസ്റ്റ് പാര്ട്ടിയുമായി ബന്ധപ്പെട്ട് പ്രവര്ത്തിച്ചു. ഗോഡ്സെയുടെ ചരിത്രമൊക്കെ കമ്യൂണിസ്റ്റുകാരോട് ചോദിച്ചാല് മതിയെന്നും അദ്ദേഹം കൂട്ടിച്ചേര്ത്തു.