ഒക്ടോബർ രണ്ടിനുള്ളിൽ ഇന്ത്യയെ ഹിന്ദുരാഷ്ട്രമാക്കിയില്ലെങ്കിൽ സരയൂ നദിയിൽ ചാടി ജലസമാധിയടയും: ആചാര്യ മഹാരാജ്
29 September 2021
ഗാന്ധി ജയന്തി ദിനമായ ഒക്ടോബർ രണ്ടിനുള്ളിൽ ഇന്ത്യ ഹിന്ദുരാജ്യമാക്കണമെന്ന ആവശ്യവുമായി ജഗദ്ഗുരു പരമഹംസ് ആചാര്യ മഹാരാജ് രംഗത്ത്. അങ്ങിനെ ചെയ്തില്ലെങ്കിൽ താൻ സരയൂ നദിയിൽ ചാടി ജലമസമാധിയടയുമെന്നും അദ്ദേഹം മാധ്യമങ്ങളോട് പറഞ്ഞു.
ആചാര്യ മഹാരാജിന്റെ വാക്കുകൾ: “”ഒക്ടോബർ രണ്ടിനുള്ളിൽ ഇന്ത്യയെ ഹിന്ദുരാജ്യമാക്കണം. അല്ലെങ്കിൽ ഞാൻ സരയൂ നദിയിൽ ജലസമാധിയടയും. ഇതോടൊപ്പം തന്നെ രാജ്യത്തുള്ള മുസ്ലിംകളുടെയും ക്രിസ്ത്യാനികളുടെയും പൗരത്വവും എടുത്തുകളയണം.”
രാമക്ഷേത്ര നിർമ്മാണം നടക്കുന്ന അയോധ്യയിലെ സന്യാസി സമൂഹത്തിനിടയിൽ വലിയ സ്വാധീനമുള്ളയാളാണ് മഹാരാജ്. ഇദ്ദേഹം ഉയർത്തുന്ന ആവശ്യങ്ങൾ പൂർത്തീകരിക്കുന്നതിനായി ഹിന്ദു സനാതൻ ധർമ സൻസദ് എന്ന പേരിൽ ഒരു സംഘടന രൂപീകരിക്കാൻ സന്യാസിമാർക്കുള്ളിൽ നീക്കവുമുണ്ട്.