കെ സുധാകരൻ മനുസ്മൃതി കാലത്ത് ജീവിക്കുന്ന അപരിഷ്കൃതന്: എഎ റഹിം
കെപിസിസി പ്രസിഡന്റ് കെ സുധാകരൻ മനുസ്മൃതി കാലത്തു ജീവിക്കുന്ന അപരിഷ്കൃതനെന്ന് ഡിവൈഎഫ്ഐ സംസ്ഥാന സെക്രട്ടറി എ എ റഹിം. സുധാകരന് സിപിഎം സംസ്ഥാന സെക്രട്ടറി എ വിജയരാഘവനെ വർഗീയവാദിയെന്നു വിളിച്ചതിലാണ് റഹിമിന്റെ വിമർശനം.
ബിജെപിയിലേക്ക് കോണ്ഗ്രസിനെ എത്തിക്കാൻ കരാറെടുത്ത ആളാണു സുധാകരൻ. കെ കരുണാകരന്റെ പേരിൽ പിരിച്ച 16 കോടി രൂപ എവിടെപ്പോയി എന്നത് സുധാകരൻ വ്യക്തമാക്കണമെന്നും റഹിം ആവശ്യപ്പെട്ടു. കെ സുധാകരനെ കോടാലിയെന്നായിരുന്നു കരുണാകരൻ വിശേഷിപ്പിച്ചത്. ആ കോടാലിയാണ് ഇപ്പോൾ കെ മുരളീധരൻ പിടിക്കുന്നത്. സുധാകര ഭക്തിയിൽ മുരളീധരൻ അദ്ദേഹത്തിനു സ്തുതി പാടി നടക്കുകയാണെന്നും റഹിം പരിഹസിച്ചു.