കുരങ്ങുകളുടെ ആക്രമണത്തില് നിന്നും രക്ഷപെടാന് വീടിന്റെ ടെറസിൽനിന്ന് ചാടി; ബിജെപി നേതാവിന്റെ ഭാര്യ മരിച്ചു
8 September 2021
യുപിയിൽ കുരങ്ങുകളുടെ ആക്രമണത്തില് നിന്നും രക്ഷപെടാന് വീടിന്റെ ടെറസിൽനിന്ന് ചാടിയ ബിജെപി നേതാവിന്റെ ഭാര്യ മരിച്ചു. സംസ്ഥാനത്തെ ഷാംലി ജില്ലയിലെ കൈരാന ടൗണിലെ സ്വന്തം വീടിന്റെ ടെറസിലേക്ക് പോയ 50കാരിയായ സുഷമാ ദേവിയാണ് ദാരുണമായി മരിച്ചത്.
പ്രദേശത്തെ പ്രാദേശിക ബി ജെ പി നേതാവ് അനില് കുമാര് ചൗഹാന്റെ ഭാര്യയാണ് ഇവര്. ഉയരത്തിൽ നിന്നുള്ള വീഴ്ചയിൽ ഗുരുതരമായി പരിക്കേറ്റ യുവതിയെ നാട്ടുകാർ ആശുപത്രിയിൽ എത്തിച്ചെങ്കിലും അതിന് മുമ്പ് തന്നെ മരണം സംഭവിച്ചിരുന്നു.
ദാരുണമായ ഈ സംഭവം നടക്കുമ്പോൾ ഭർത്താവ് അനിൽ വീട്ടിൽ ഉണ്ടായിരുന്നില്ലെന്നാണ് വിവരം. പ്രാദേശിക ബിജെപി നേതാവായ അനിൽ അന്തരിച്ച മുൻ പാർട്ടി എംപിയായ ഹുക്കും സിങ്ങിന്റെ അനന്തരവനാണ്.