ഡെങ്കിപ്പനി: യുപിയില്‍ മരണസംഖ്യ 100 കടന്നു
6 September 2021
ഡെങ്കിപ്പനി തീവ്രമായി പടരുന്ന യു പിയില്‍ മരിച്ചവരുടെ എണ്ണം 100 കടന്നു. സംസ്ഥാനത്തെ ഫിറോസാബാദിലും സമീപ ജില്ലകളിലുമാണ് ഡെങ്കിപ്പനി പടരുന്നത്.ഈ സ്ഥലങ്ങളില്‍ നിന്നുള്ള 200 സാമ്പിളുകളുടെ പരിശോധനയില്‍ പകുതിയിലധികം പേര്‍ക്കും രോഗം സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു.
കഴിഞ്ഞ ദിവസം കേന്ദ്ര ആരോഗ്യ മന്ത്രാലയം നിയോഗിച്ച നാഷണല്‍ സെന്റര്‍ ഫോര്‍ ഡിസീസ് കണ്‍ട്രോളിന്റെ (എന്‍ സി ഡി സി) അഞ്ചംഗ സംഘം പ്രദേശം സന്ദര്‍ശിച്ച്‌ സ്ഥിതിഗതികള്‍ വിലയിരുത്തി. അവസാന 24 മണിക്കൂറിനുള്ളില്‍ മാത്രം നാല്പേര്‍ മരിച്ചു. യു പിയിലെ മഥുര, ആഗ്ര പ്രദേശങ്ങളിലും രോഗം സ്ഥിരീകരിച്ചിട്ടുണ്ട്.മഥുരയില്‍ 15 ദിവസത്തിനുള്ളില്‍ 11 കുട്ടികള്‍ മരിച്ചതായും റിപ്പോര്‍ട്ട് പുറത്തുവന്നു.
