പോലീസ് കള്ളക്കേസിൽ കുടുക്കി; കോടതി മുറിയിൽ നാടകീയ രംഗങ്ങളുമായി ഇ-ബുൾ ജെറ്റ് വ്ലോഗർമാര്‍
ആർടിഒ ഓഫീസിൽ സംഘർഷമുണ്ടാക്കിയെന്ന പരാതിയില്‍ പിടിയിലായ സോഷ്യല്‍ മീഡിയയില്‍ തരംഗമായ ഇ- ബുൾ ജെറ്റ് വ്ലോഗർമാരെ പോലീസ് ഇന്ന് കണ്ണൂർ മുൻസിഫ് കോടതിയിൽ ഹാജരാക്കി. എന്നാല്‍ കോടതി മുറിയിലും വ്ലോഗർമാർ നാടകീയ രംഗങ്ങൾക്ക് ഉണ്ടാക്കി.
വ്ലോഗർമാരായ ലിബിനും ഇബിനും പോലീസ് തങ്ങളെ കള്ളക്കേസിൽ കുടുക്കിയെന്നാണ് ആരോപണം ഉയര്‍ത്തിയത്. ഇവരുടെ നെപ്പോളിയൻ എന്ന് പേരിട്ടിരിക്കുന്ന വാഹനത്തിന് ഓൾട്ടറേഷൻ വരുത്തിയതുമായി ബന്ധപ്പെട്ട് കഴിഞ്ഞ ദിവസം കണ്ണൂർ ആർടിഒ ഉദ്യോഗസ്ഥ‍ർ കസ്റ്റഡിയിലെടുത്തിരുന്നു.
പിന്നാലെ തുടർ നടപടികൾക്കായി ഇവരോട് ഇന്ന് രാവിലെ ഓഫീസിൽ ഹാജരാവാനും ആവശ്യപ്പെട്ടു. ഇന്ന് രാവിലെ ഇരുവരും എത്തിയതിന് പിന്നാലെയാണ് സംഘ‍ർഷമുണ്ടായത്. നേരത്തെ തങ്ങളുടെ വാ ൻ ആർടിഒ കസ്റ്റഡിയിൽ എടുത്ത കാര്യം ഇവ‍ർ സാമൂഹ്യ മാധ്യമങ്ങളിൽ വീഡിയോയായി പങ്കുവച്ചിരുന്നു.
ഈ വീഡിയോ വൈറല്‍ ആകുകയും തുടർന്ന് ഇവരുടെ ആരാധകരായ നിരവധി ചെറുപ്പക്കാ‍ർ കണ്ണൂർ ആർടിഒ ഓഫീസിലേക്ക് എത്തിച്ചേര്‍ന്നു വ്ലോഗ‍ർമാരും ഉദ്യോഗസ്ഥരും തമ്മിൽ വാക്കുതർക്കമാവുകയും തുടർന്ന് കണ്ണൂർ ടൗൺ പൊലീസ് സ്ഥലത്ത് എത്തി ഇരുവരേയും കസ്റ്റഡിയിലെടുക്കുകയുമായിരുന്നു.
കേരളത്തില്‍ തങ്ങളെ ത‍കർക്കാൻ ആസൂത്രിതമായി നീക്കം നടക്കുന്നുണ്ടെന്നും ഇനിമുതല്‍ വാൻ ലൈഫ് വീഡിയോ ചെയ്യില്ലെന്നും ഇബുൾ ജെറ്റ് കഴിഞ്ഞ ദിവസം പ്രഖ്യാപിച്ചിരുന്നു
