പി വി സിന്ധുവിന് സെമിയില് പരാജയം; ഇനി പോരാട്ടം വെങ്കല മെഡലിനായി
31 July 2021
ടോക്കിയോ ഒളിമ്പിക്സില് നിന്നും ഇന്ത്യന് താരം പി വി സിന്ധു വനിതാ വിഭാഗം ബാഡ്മിന്റണിന്റെ ഫൈനല് കാണാതെ പുറത്തായി. ഇന്ന് നടന്ന സെമി ഫൈനല് മത്സരത്തില് ലോക ഒന്നാം നമ്പര് താരം ചൈനീസ് തായ് പേയിയുടെ തായ് സു യിങ്ങാണ് സിന്ധുവിനെ പരാജയപ്പെടുത്തിയത്. നേരിട്ടുള്ള ഗെയിമുകള്ക്കാണ് തായ് സു യിങ്ങിന്റെ വിജയം.
സ്കോര്: 21-18, 21-12. ഇതോടുകൂടി ഈ ഇനത്തില് ഇന്ത്യയുടെ സ്വര്ണ മെഡല് പ്രതീക്ഷ അവസാനിച്ചു. എന്നാല് വെങ്കല മെഡലിനായുള്ള മത്സരത്തില് സിന്ധു ചൈനയുടെ ഹി ബിങ് ജിയാവോയെ നേരിടും. ചൈനയുടെ ചെന് യു ഫെയ് ആണ് തായ് സു യിങ്ങിന്റെ ഫൈനലിലെ എതിരാളി.റിയോ ഒളിമ്പിക്സില് ഇന്ത്യയ്ക്ക് വേണ്ടി വെള്ളി മെഡല് നേടിയ സിന്ധുവിന് ആ മികവ് ഇന്നത്തെ മത്സരത്തില് പുറത്തെടുക്കാനായില്ല.