സ്മൃതി ഇറാനിക്കെതിരെ അശ്ലീല പോസ്റ്റ്; കോളേജ് പ്രൊഫസറെ ജയിലിലേക്ക് മാറ്റി
ബിജെപി നേതാവും കേന്ദ്രമന്ത്രിയുമായ സ്മൃതി ഇറാനിക്കെതിരെ ഫേസ്ബുക്കില് അശ്ലീല പോസ്റ്റിട്ട കോളേജ് പ്രൊഫസറെ റിമാൻഡ് ചെയ്തു. ഫിറോസാബാദിലെ കോടതിയിലെത്തി പ്രൊഫസര് ഷഹര്യാര് അലിയാണ് അഡീഷണല് ജഡ്ജി അനുരാഗ് കുമാറിന് മുന്നില് കീഴടങ്ങിയാണ് മുന്കൂര് ജാമ്യാപേക്ഷ നല്കിയത്.
പക്ഷെജഡ്ജി ജ്യാമാപേക്ഷ തള്ളിയതോടെ പ്രൊഫസറെ ജയിലിലേക്ക്മാറ്റുകയായിരുന്നു. നേരത്തെ, സ്മൃതി ഇറാനിക്കെതിരെ ഫേസ്ബുക്കില് അശ്ലീല പരാമര്ശം നടത്തിയെന്ന ആരോപണത്തില് എസ്ആര്കെ കോളേജിലെ ചരിത്ര വിഭാഗം തലവനായ ഷഹര്യാര് അലിക്കെതിരെ ഫിറോസാബാദ് പൊലീസ് കേസെടുത്തിരുന്നു.
ഈ കേസിനെ തുടര്ന്ന് കോളേജ് ഇദ്ദേഹത്തെ സസ്പെന്റ് ചെയ്തു. എന്നാൽ തന്റെ അറസ്റ്റ് തടയണമെന്ന ഇയാളുടെ ആവശ്യം സുപ്രീം കോടതി തള്ളുകയായിരുന്നു. മുന്കൂര് ജാമ്യാപേക്ഷ അലഹബാദ് ഹൈക്കോടതിയും തള്ളിയിരുന്നു.
പ്രൊഫസറുടെ സോഷ്യൽ മീഡിയാ അക്കൗണ്ട് ഹാക്ക് ചെയ്യപ്പെട്ടെന്ന വാദത്തിന് പ്രഥമദൃഷ്ട്യാ തെളിവില്ലെന്നായിരുന്നു കോടതിയുടെ കണ്ടെത്തല്.