ഇന്ത്യയില് 70,421 പുതിയ കൊവിഡ് കേസുകള്; 3,921 മരണം
രാജ്യത്ത് കഴിഞ്ഞ 24 മണിക്കൂറിനിടെ 70,421 കൊവിഡ് കേസുകള് റിപ്പോര്ട്ട് ചെയ്തു. മാര്ച്ച് 31ന് ശേഷമുള്ള പ്രതിദിന കണക്കുകളില് ഏറ്റവും കുറവാണ് ഇന്നത്തേത്. 3921 പേരാണ് ഇന്നലെ കൊവിഡ് ബാധിച്ച് മരണപ്പെട്ടത്. ഇതോടെ ആകെ മരണസംഖ്യ 3,74,305 ആയി. 24 മണിക്കൂറിനിടെ 1,19,501 പേര് രോഗമുക്തി നേടി. 9,73,158 ആക്ടീവ് കേസുകളാണ് നിലവിലുള്ളത്. 25,48,49,301 പേര് ഇതുവരെ വാക്സിന് സ്വീകരിച്ചു.
തമിഴ്നാട്, കേരളം, മഹാരാഷ്ട്ര, കര്ണാടക, ആന്ധ്രപ്രദേശ് എന്നീ അഞ്ച് സംസ്ഥാനങ്ങളിലാണ് പ്രതിദിന കേസുകള് കൂടുതലുള്ളത്. അതേസമയം തമിഴ്നാട്, ഹരിയാന, ഡല്ഹി എന്നിവിടങ്ങളില് ഇന്നുമുതല് ലോക്ക്ഡൗണില് കൂടുതല് ഇളവുകള് പ്രഖ്യാപിച്ചിട്ടുണ്ട്.
അതേ സമയം സംസ്ഥാനത്ത് ഇന്നലെ 11,584 പേര്ക്ക് കോവിഡ്-19 സ്ഥിരീകരിച്ചു. തിരുവനന്തപുരം 1775, തൃശൂര് 1373, കൊല്ലം 1312, എറണാകുളം 1088, പാലക്കാട് 1027, മലപ്പുറം 1006, കോഴിക്കോട് 892, ആലപ്പുഴ 660, കണ്ണൂര് 633, കോട്ടയം 622, കാസര്ഗോഡ് 419, ഇടുക്കി 407, പത്തനംതിട്ട 223, വയനാട് 147 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.