സംസ്ഥാനത്ത് ജൂണ് അഞ്ച് മുതല് ഒമ്പത് വരെ അധിക നിയന്ത്രണങ്ങള് ഏര്പ്പെടുത്തും: മുഖ്യമന്ത്രി
കേരളത്തില് നിലവിലുള്ള കോവിഡ് ടെസ്റ്റ് പോസിറ്റിവിറ്റി നിരക്ക് കുറയ്ക്കാന് അധിക നിയന്ത്രണങ്ങള് ഏര്പ്പെടുത്തുമെന്ന് മുഖ്യമന്ത്രി പിണറായി വിജയന്. ഈ മാസം അഞ്ച് മുതല് ഒമ്പത് വരെയാണ് അധിക നിയന്ത്രണങ്ങള് ഏര്പ്പെടുത്തുന്നത്. നിലവില് പ്രവര്ത്തനാനുമതി നല്കിയിട്ടുള്ള വിപണന സ്ഥാപനങ്ങള് ജൂണ് നാലിന് രാവിലെ 9 മുതല് വൈകുന്നേരം 7 വരെ പ്രവര്ത്തിക്കാം. എന്നാല് ജൂണ് 5 മുതല് ജൂണ് 9 വരെ ഇവയ്ക്ക് പ്രവര്ത്തനാനുമതി ഉണ്ടാവില്ല.
അവശ്യവസ്തുക്കളുടെ കടകള്, വ്യവസായ സ്ഥാപനങ്ങള്ക്ക് ആവശ്യമായ അസംസ്കൃത വസ്തുക്കളും മറ്റും (പാക്കേജിംഗ് ഉള്പ്പെടെ) വില്ക്കുന്ന സ്ഥാപനങ്ങള്, നിര്മ്മാണസാമഗ്രികള് വില്ക്കുന്ന കടകള് എന്നിവക്കു മാത്രമേ ജൂണ് 5 മുതല് 9 വരെ പ്രവര്ത്തനാനുമതി ഉണ്ടാവുകയുള്ളു. ജൂണ് 4 ന് ആക്രി വസ്തുവ്യാപാര സ്ഥാപനങ്ങള് തുറക്കാമെന്ന് മുഖ്യമന്ത്രി അറിയിച്ചു.
സര്ക്കാര്- അര്ദ്ധസര്ക്കാര് സ്ഥാപനങ്ങള്, പൊതുമേഖലാസ്ഥാപനങ്ങള്, കോര്പ്പറേഷനുകള്, കമ്മീഷനുകള് തുടങ്ങിയവ 50 ശതമാനം ഉദ്യോഗസ്ഥരെ ഉള്പ്പെടുത്തി ജൂണ് 10 മുതലാണ് പ്രവര്ത്തിക്കുക. നേരത്തെ ഇത് ജൂണ് 7 എന്നായിരുന്നു നിശ്ചയിച്ചത്.