നടൻ അജിത്തിന്റെ വീട്ടില്‍ വ്യാജ ബോംബ് ഭീഷണി
1 June 2021
പ്രശസ്ത തമിഴ് നടൻ അജിത്തിന്റെ വീട്ടില്‍ വ്യാജ ബോംബ് ഭീഷണി. അജിത്തിന്റെ വീട്ടില്‍ ബോംബ് വിച്ചിട്ടുണ്ട് എന്നറിയിച്ചുകൊണ്ട് പോലീസിന് സന്ദേശം എത്തുകയായിരുന്നു. ഇന്നലെയായിരുന്നു പോലീസ് കണ്‍ട്രോള്‍ റൂമിലേയ്ക്ക് സന്ദേശം ലഭിച്ചത്. പരിശോധനയില്‍ ഇത് വ്യാജ സന്ദേശമാണെന്ന് ഉടൻ തന്നെ കണ്ടെത്തുകയും ചെയ്‍തു.
ലോക്ക് ഡൌണ്‍ കാലമായതിനാല്‍ ആരെങ്കിലും തമാശയ്‍ക്ക് ചെയ്യുന്ന പണിയാകും എന്നും പോലീസ് പറയുന്നു.എന്നാല്‍ ഇതുവരെ അജിത്ത് ഇക്കാര്യത്തില്‍ പ്രതികരിക്കാൻ തയ്യാറായിട്ടില്ല. വലിമൈ എന്ന ചിത്രമാണ് ഇനി അജിത്തിന്റേതായി റിലീസ് ചെയ്യാനുള്ളത്.
