സംസ്ഥാനത്ത് കാലവര്ഷം തിങ്കളാഴ്ചയോടെ, ഇന്ന് മുതല് ശക്തമായ മഴയ്ക്ക് സാധ്യത
കേരളത്തില് തെക്കുപടിഞ്ഞാറന് കാലവര്ഷം തിങ്കളാഴ്ചയോടെ എത്തുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഇന്നുമുതല് കേരളത്തില് ശക്തമായ ഒറ്റപ്പെട്ട മഴയ്ക്ക് സാധ്യതയുണ്ട്. ആലപ്പുഴ, എറണാകുളം ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്. ഞായറാഴ്ച അഞ്ചുജില്ലകളിലും തിങ്കളാഴ്ച മൂന്ന് ജില്ലകളിലും മഴ മുന്നറിയിപ്പുണ്ട്. ശക്തമായ കാറ്റിനും ഇടിമിന്നലോടുകൂടിയ മഴയ്ക്കുമാണ് സാധ്യത. അതേസമയം കേരളതീരത്ത് ഇന്ന് മത്സ്യബന്ധനത്തിന് നിയന്ത്രണങ്ങള് ഏര്പ്പെടുത്തിയിട്ടില്ല. മലയോര മേഖലയില് താമസിക്കുന്നവര് അതീവ ജാഗ്രത പാലിക്കണമെന്ന് കാലാവസ്ഥാ നിരീക്ഷണകേന്ദ്രം അറിയിച്ചു.
കേരളത്തില് പല ജില്ലകളിലും ഇന്നലെ മുതല് തന്നെ കനത്ത മഴ പെയ്യുന്നുണ്ട്. ജില്ലാ ഭരണകൂടം നല്കുന്ന കാലാവസ്ഥാ നിര്ദേശങ്ങള് പൊതുജനങ്ങള് പാലിക്കണമെന്ന് അധികൃതര് മുന്നറിയിപ്പ് നല്കി.