ലക്ഷദ്വീപിലെ രണ്ടില് കൂടുതല് കുട്ടികളുള്ള പഞ്ചായത്ത് അംഗങ്ങളെ അയോഗ്യരാക്കുന്നതെങ്ങിനെ; കേന്ദ്രമന്ത്രിമാരുടെ മക്കളുടെ എണ്ണം പറഞ്ഞ് മഹുവ മൊയ്ത്ര
ലക്ഷദ്വീപില് കേന്ദ്രസര്ക്കാര് പ്രതിനിധിയായ അഡ്മിനിസ്ട്രേറ്ററായ പ്രഫുല് പട്ടേലിനെതിരെ രൂക്ഷ വിമര്ശനവുമായി തൃണമൂല് കോണ്ഗ്രസ് നേതാവും എംപിയുമായ മഹുവ മൊയ്ത്ര. ഇപ്പോഴത്തെ കേന്ദ്ര മന്ത്രിസഭയിലെ പ്രതിരോധ, വിദേശകാര്യ, റോഡ് ഗതാഗത മന്ത്രിമാര്ക്കെല്ലാം മൂന്ന് കുട്ടികള് വീതമുണ്ട്.
അങ്ങിനെയുള്ളപ്പോള് ലക്ഷദ്വീപിലെ രണ്ടില് കൂടുതല് കുട്ടികളുള്ള പഞ്ചായത്ത് അംഗങ്ങളെ അയോഗ്യരാക്കുന്ന കരട് നിയമം ദ്വീപിലെ അഡ്മിനിസ്ട്രേറ്റര് എങ്ങനെയാണ് അവതരിപ്പിക്കുകയെന്ന് മഹുവ ചോദിക്കുന്നു. ഇന്ന് രാവിലെ ലക്ഷദ്വീപില് വികസനത്തിന്റെ പേരില് ജനവിരുദ്ധ നയങ്ങള് നടപ്പാക്കുന്ന കേന്ദ്ര സര്ക്കാരിനെതിരെയും അഡ്മിനിസ്ട്രേറ്റര്ക്കെതിരെയും അഭിഭാഷകനും ആക്ടിവിസ്റ്റുമായ പ്രശാന്ത് ഭൂഷണ് രംഗത്തെത്തിയിരുന്നു. ദ്വീപില്വികസനം എന്ന പേരില് നടത്തുന്ന നടപടികളെ വിമര്ശിക്കുന്ന കാര്ട്ടൂണ് പങ്കുവെച്ചുകൊണ്ടാണ് പ്രശാന്ത് ഭൂഷണ് രംഗത്തെത്തിയത്.