മുസ്ലിം വിഭാഗത്തിന്റെ അട്ടിപ്പേറവകാശം മുസ്ലിം ലീഗിനല്ല; ന്യൂനപക്ഷ ക്ഷേമവകുപ്പ് ഏറ്റെടുത്തതില് ആര്ക്കും ആശങ്ക വേണ്ട: മുഖ്യമന്ത്രി
പുതിയ മന്ത്രിസഭയില് സംസ്ഥാനത്തെ ന്യൂനപക്ഷ ക്ഷേമവകുപ്പ് മുഖ്യമന്ത്രി ഏറ്റെടുത്തതില് ആര്ക്കും ആശങ്ക വേണ്ടെന്ന് മുഖ്യമന്ത്രി പിണറായി വിജയന്. മുസ്ലിം വിഭാഗത്തിന്റെ അട്ടിപ്പേറവകാശം മുസ്ലിം ലീഗിനല്ലെന്നും സഭാ നേതൃത്വം പറഞ്ഞതുകൊണ്ടല്ല വകുപ്പ് ഏറ്റെടുത്തതെന്നും അദ്ദേഹംവാര്ത്താ സമ്മേളനത്തില് പറഞ്ഞു.
പൊതുവില് ഉള്ള ആലോചനയുടെ ഭാഗമായാണ് ന്യൂനപക്ഷം മുഖ്യമന്ത്രി ഏറ്റെടുത്തതെന്നും മുസ്ലിം വിഭാഗത്തിന് തന്നിലും സര്ക്കാരിലും വിശ്വാസമുണ്ടെന്നും മുഖ്യമന്ത്രികൂട്ടിച്ചേര്ത്തു. ഇതോടൊപ്പം തന്നെ സംസ്ഥാനം സ്വന്തമായി കൊവിഡ് വാക്സിന് ഉത്പാദിപ്പിക്കാനുള്ള സംവിധാനം ഒരുക്കാന് ഉത്പാദന മേഖലയിലെ വിദഗ്ധരുമായി ചര്ച്ച നടത്തി വരികയാണെന്ന് മുഖ്യമന്ത്രി അറിയിച്ചു.
ഇതിന്റെ ഭാഗമായി ഇന്സ്റ്റിറ്റ്യൂട്ട് ഓഫ് അഡ്വാന്സ് ക്യാംപില് വാക്സിന് കമ്പനിയുടെ ശാഖ ആരംഭിക്കാന് കഴിയുമോ എന്ന് പരിശോധിക്കുമെന്നും മുഖ്യമന്ത്രി പറഞ്ഞു. വാക്സിന് നിര്മ്മാണ മേഖലയിലെ വിദഗ്ധര്, ശാസ്ത്ര സാങ്കേതിക കൗണ്സില്, ഇന്സ്റ്റിറ്റ്യൂട്ട് ഓഫ് അഡ്വാന്സ് വൈറോളജി ശാസ്ത്രജ്ഞര് എന്നിവരെ പങ്കെടുപ്പിച്ചുകൊണ്ട് വെബിനാര് നടത്തി ഇക്കാര്യത്തില് ധാരണയിലെത്തുമെന്നും അദ്ദേഹം അറിയിച്ചു.
നിലവില് മെഡിസിന് ആന്ഡ് അലൈഡ് സയന്സസിലെ ശാസ്ത്രജ്ഞര് കൊവിഡ് ചികിത്സയിലുള്ള ഒരു മരുന്ന് വികസിപ്പിച്ചിട്ടുണ്ടെന്നും അദ്ദേഹം പറഞ്ഞു. കൊവിഡ് രോഗ ബാധിതരില് വൈറസുകള് ഗ്ലൂക്കോസ് ഉപയോഗിക്കുന്നത് തടഞ്ഞ് വൈറസിന്റെ പെരുകല് തടയുന്ന ആന്റി വൈറല് മരുന്നാണിത്. ഈ മരുന്നിന് ഡ്രഗ് കണ്ട്രോള് ജനറലിന്റെ അനുമതി ലഭിച്ചിട്ടുണ്ടെന്നും മുഖ്യമന്ത്രി പറഞ്ഞു.