സംസ്ഥാനത്ത് സൗജന്യ കിറ്റു വിതരണം അടുത്തയാഴ്ച മുതല്
കോവിഡ് വ്യാപനത്തിന്റേയും ലോക്ക്ഡൗണിന്റേയും പശ്ചാത്തലത്തില് സംസ്ഥാനത്ത് സൗജന്യ ഭക്ഷ്യ കിറ്റ് വിതരണം ഈ മാസം തുടരും. കിറ്റുകള് അടുത്ത ആഴ്ച കൊടുത്തു തുടങ്ങും. അതിഥി തൊഴിലാളികള്ക്കും ഭക്ഷ്യ കിറ്റ് വിതരണം ചെയ്യും. അതേ സമയം ലോക്ക്ഡൗണ് ഘട്ടത്തില് അത്യാവശ്യ കാര്യങ്ങള്ക്ക് പുറത്ത് പോകാന് പോലീസ് പാസ് നല്കും.തട്ടുകടകള് ലോക്ക് ഡൗണ് കാലത്ത് തുറക്കരുത്. വാഹന റിപ്പയര് വര്ക്ക്ഷോപ്പ് ആഴ്ച അവസാനം രണ്ടു ദിവസം തുറക്കാം.
സംസ്ഥാനത്ത് ഹാര്ബര് ലേലം ഒഴിവാക്കും. ബാങ്കുകള് തിങ്കള്, ബുധന്, വെള്ളി ദിവസങ്ങളില് പ്രവര്ത്തിക്കും. പള്സ് ഓക്സിമീറ്ററുകള്ക്ക് വലിയ ചാര്ജ് ഈടാക്കുന്നവര്ക്കെതിരെ കടുത്ത നടപടി എടുക്കാന് കലക്ടര്മാര്ക്ക് നിര്ദേശം നല്കി.
മറ്റ് സംസ്ഥാനങ്ങളില് നിന്ന് യാത്ര ചെയ്തു വരുന്നവര് കോവിഡ് ജാഗ്രത പോര്ട്ടലില് രജിസ്റ്റര് ചെയ്യണം. അല്ലെങ്കില് അവര് സ്വന്തം ചെലവില് 14 ദിവസം ക്വാറന്റീനില് കഴിയണം. ഓക്സിജന് കാര്യത്തില് ഓരോ മണിക്കൂറിലും വിവരം ലഭ്യമാക്കാന് വാര് റും ഉണ്ടാകും.
ഏകദേശം 25,000 പോലീസ് ഉദ്യോഗസ്ഥരെയാണ് ഇതിനായി നിയോഗിച്ചത്. ക്രമസമാധാനപാലനവുമായി ബന്ധപ്പെട്ട മുതിര്ന്ന ഓഫീസര്മാര് നേതൃത്വം നല്കും.