മഴ കനക്കുന്നു; മലയോര മേഖലകളില് ശക്തമായ മഴയുണ്ടാകുമെന്ന് കാലാവസ്ഥാ കേന്ദ്രം, ഇടുക്കിയില് യെല്ലോ അലേര്ട്ട്
16 April 2021
കേരളത്തിലെ മഴ കനക്കുന്നു. മലയോരമേഖലകളില് ശക്തമായ മഴ തുടരാന് സാധ്യതയെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ഇടുക്കിയില് യെല്ലോ അലേര്ട്ട് പ്രഖ്യാപിച്ചു. മണിക്കൂറില് പരമാവധി 40 കിലോമീറ്റര് വേഗത്തില് വരെ ശക്തമായ കാറ്റിനും ഇടിമിന്നലോടുകൂടിയ മഴയ്ക്കും സാധ്യതയുണ്ട്. ഞായര്, തിങ്കള് ദിവസങ്ങളില് സംസ്ഥാനത്തത്തെ ഒറ്റപ്പെട്ടയിടങ്ങളില് ശക്തമായ ഇടിമിന്നലിന് സാധ്യതയുണ്ട്. പൊതുജനങ്ങള് ഇടിമിന്നല് ജാഗ്രത നിര്ദ്ദേശങ്ങള് പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി വ്യക്തമാക്കി.
ശക്തമായ മഴയിലും കാറ്റിലും മരങ്ങള് കടപുഴകി വീഴാന് സാധ്യതയുള്ളതിനാല് പൊതുജനങ്ങള് ജാഗ്രത പാലിക്കണമെന്നും നിര്ദ്ദേശമുണ്ട്. കേരള, കര്ണാടക,ലക്ഷദ്വീപ് തീരങ്ങളില് മല്സ്യബന്ധനത്തിന് തടസമില്ല.