പ്രചാരണം വെയിലത്ത് ആയതിനാല് നിറം ആകെ മാറി: കൃഷ്ണകുമാര്
സംസ്ഥാനത്തെ നിയമസഭാ തെരഞ്ഞെടുപ്പ് പ്രചാരണം കഴിഞ്ഞതോടെ തന്റെ നിറം ആകെ മങ്ങിയെന്ന് നടനും തിരുവനന്തപുരത്തെ എന്ഡിഎ സ്ഥാനാര്ത്ഥിയുമായ കൃഷ്ണകുമാര്. താന് വീട്ടില് മക്കളോടൊപ്പം ഇരുന്നു സംസാരിച്ചപ്പോള് വാനില അച്ഛന് ഇപ്പോള് ചോക്ലേറ്റ് അച്ഛനായെന്ന് മക്കള് പറഞ്ഞെന്ന് കൃഷ്ണ കുമാര് ഫേസ്ബുക്കില് എഴുതി.
നിയമസഭാ തെരഞ്ഞെടുപ്പ് പ്രചാരണത്തിനിടയില് 20 ദിവസത്തോളം വെയിലത്ത് ആയതിനാലാവാം തന്റെ നിറം മങ്ങിയതെന്നാണ് കൃഷ്ണകുമാര് പറയുന്നത്.
കൃഷ്ണകുമാറിന്റെ ഫേസ്ബുക്ക് കുറിപ്പ് വായിക്കാം:
സ്ഥാനാര്ത്ഥി പട്ടിക വന്ന മാര്ച്ച് 14 മുതല് ഇലക്ഷന് നടന്ന ഏപ്രില് 6 വരെ കടന്നു പോയത് അറിഞ്ഞില്ല.. അത്ര വേഗത്തില് ആണ് ദിവസങ്ങള് കടന്നു പോയത്. വൈകുന്നേരം 6.30നു പഴവങ്ങാടിയില് നിന്നും ഓപ്പണ് ജീപ്പില് കേറിയത് മുതല് ജനങ്ങളുടെ കൂടെ ആയിരുന്നു. രാവിലെ 7 മുതല് രാത്രി 10 വരെ. അതിനു ശേഷം സോഷ്യല് മീഡിയ വിഡിയോസും, ഫോട്ടോ ഷൂട്ടും. പലദിവസങ്ങളിലും വെളുപ്പിനെ 2 മണിവരെ.
ഒരിക്കലും ക്ഷീണം തോന്നിയില്ല, ശാരീരിക പ്രശ്നങ്ങളും.. ദൈവത്തിനു നന്ദി. എത്രയും ആനന്ദത്തോടെ അടുത്തിടെ ഒരു ജോലിയും ചെയ്തിട്ടില്ല . ജനങ്ങള് നല്കിയ സ്വീകരണവും, സ്നേഹവും എനിക്ക് തന്ന ഊര്ജം അത്രക്കായിരുന്നു. കഴിഞ്ഞ 20 ദിവസത്തോളം വെയിലത്തായിരുന്നത് കൊണ്ടാകാം എന്റെ നിറം ആകെ മാറി. ഇലക്ഷന് കഴിഞ്ഞു മക്കളോടൊപ്പം ഇരുന്നു സംസാരിച്ചപ്പോള് അവര് പറഞ്ഞു അച്ഛന്റെ കളര് ആകെ മാറി. ‘വാനില അച്ഛന് ഇപ്പോള് ചോക്ലേറ്റ് അച്ഛന് ആയെന്നു ‘..