നടനും തിരക്കഥാകൃത്തുമായ പി. ബാലചന്ദ്രന് അന്തരിച്ചു
നടനും തിരക്കഥാകൃത്തുമായ പി. ബാലചന്ദ്രന് അന്തരിച്ചു. ഇന്ന് പുലര്ച്ചെ ആറ് മണിയോടെ വൈക്കത്തെ വീട്ടിലായിരുന്നു അന്ത്യം. മസ്തിഷ്ക ജ്വരത്തെ തുടര്ന്ന് ഏറെ നാളായി ചികിത്സയിലായിരുന്നു.
അധ്യാപകനും നാടക പ്രവര്ത്തകനുമായിരുന്ന പി ബാലചന്ദ്രന് തിരക്കഥാ രചയിതാവ് എന്ന നിലയിലാണ് മലയാള സിനിമയില് പ്രശസ്തനായത്. പിന്നീട് അഭിനേതാവ് എന്ന നിലയിലും മികവ് തെളിയിക്കുകയായിരുന്നു. 2012ല് പി കുഞ്ഞിരാമന് നായരുടെ ജീവിതത്തെ ആസ്പദമാക്കി ഇവന് മേഘരൂപന് എന്ന സിനിമയും അദ്ദേഹം സംവിധാനം ചെയ്തിരുന്നു.കമ്മട്ടിപ്പാടം, പവിത്രം, എടക്കാട് ബറ്റാലിയന്, തച്ചോളി വര്ഗീസ് ചേകവര്, ഉള്ളടക്കം, അങ്കിള് ബണ്, പൊലീസ്, പുനരധിവാസം, മാനസം എന്നീ ചിത്രങ്ങളുടെ തിരക്കഥാകൃത്താണ്.
പി ബാലചന്ദ്രന്റെ നിര്യാണത്തില് മുഖ്യമന്ത്രി പിണറായി വിജയന് അനുശോചനം രേഖപ്പെടുത്തി.
നിരവധി സിനിമകളില് ശ്രദ്ധേയമായ വേഷങ്ങള് ചെയ്ത ബാലചന്ദ്രന്, നടന്, എഴുത്തുകാരന്, തിരക്കഥാകൃത്ത്, സംവിധായകന്, നാടക പ്രവര്ത്തകന്, അധ്യാപകന് എന്നീ നിലകളില് കഴിവു തെളിയിച്ചിട്ടുണ്ടെന്നും മുഖ്യമന്ത്രി അനുസ്മരിച്ചു.