ബിജെപി പ്രഖ്യാപിച്ച സ്ഥാനാർത്ഥിത്വം നിരസിച്ചു മണിക്കുട്ടൻ
മാനന്തവാടിയിലേക്ക് ബിജെപി കേന്ദ്ര നേതൃത്വം പ്രഖ്യാപിച്ച സ്ഥാനാർത്ഥി പിൻമാറി. മാനന്തവാടിയില് പരിഗണിച്ച മണിക്കുട്ടനാണ് സ്ഥാനാർത്ഥിയാവാൻ ഇല്ലെന്ന് അറിയിച്ചത്. ഫേയ്സ്ബുക്ക് പോസ്റ്റിലൂടെയാണ് പിൻമാറിയ വിവരം മണിക്കുട്ടൻ അറിയിച്ചത്.
അദ്ദേഹത്തിന്റെ ഫേസ്ബുക് പോസ്റ്റിൽ പറയുന്നത്; എന്നെ കേൾക്കണം… കേന്ദ്രനേതൃത്വം മാനന്തവാടി നിയോജകമണ്ഡലം ബി ജെ പി എം എൽ എ സ്ഥാനാർത്ഥിയായി എന്നെ പരിഗണിച്ചിരുന്നു… സ്നേഹപൂർവ്വം ഈ ഒരു അവസരം നിരസിക്കുന്നു… സ്നേഹപൂര്വ്വം മണിക്കുട്ടൻ- ഫേയ്സ്ബുക്കിൽ കുറിച്ചു.
എം എൽ എ സ്ഥാനാർത്ഥി എന്ന നിലയിലേക്ക് പോകാൻ ആഗ്രഹിക്കുന്നില്ല എന്ന് മണിക്കുട്ടന് അറിയിച്ചു. പൂക്കോട് വെറ്റിനറി സർവകലാശാലയിലെ ടീച്ചിങ് അസിസ്റ്റൻറ് എന്ന ജോലിയിൽ തുടരാൻ മാത്രമാണ് ആഗ്രഹിക്കുന്നത് എന്ന് മണിക്കുട്ടന് വ്യക്തമാക്കി. പണിയ വിഭാഗത്തിൽ നിന്നുള്ള ആദ്യ എംബിഎക്കാരനാണ് മണിക്കുട്ടൻ. അദ്ദേഹത്തോട് ചോദിക്കാതെയാണ് സ്ഥാനാർത്ഥിത്വം പ്രഖ്യാപിച്ചത് എന്നാണ് പുറത്തുവരുന്ന വിവരം.