71 സീറ്റുകള് നേടി ബിജെപി കേരളം ഭരിക്കും: ജേക്കബ് തോമസ്
6 March 2021
ഇത്തവണത്തെ നിയമസഭാ തെരഞ്ഞെടുപ്പില് 71 സീറ്റ് നേടി കേരളം ബി ജെ പി ഭരിക്കുമെന്ന് ഇരിങ്ങാലക്കുടയില് എൻ ഡി എ മുന്നണിയുടെ സ്ഥാനാര്ത്ഥി പട്ടികയിലുള്ള മുൻ ഡി ജി പി ജേക്കബ് തോമസ്. ഇന്ത്യയിലെ തന്നെ ഏറ്റവും വലിയ ടീമായ ബി ജെ പിയെ കേരളത്തിൽ ജയിപ്പിക്കാൻ വേണ്ടിയുള്ള പ്രചാരണങ്ങളിലാണ് താനെന്നും അദ്ദേഹം കൂട്ടിച്ചേര്ത്തു.
ബി ജെ പി 71 സീറ്റുകളാണ് ഇക്കുറി കേരളത്തിൽ ലക്ഷ്യമിടുന്നത്.നിലവിലെ ഭരണത്തെ അടുത്തറിയാവുന്നത് കൊണ്ട് പറയുകയാണ് കേരളം ഇപ്പോഴത്തേ ഒരു പോക്ക് പോയാൽ വളരെ മോശം അവസ്ഥയിലാകും. അത് മനസിലാക്കിയത് കൊണ്ടാണ് മത്സരരംഗത്തിറങ്ങുന്നതെന്നും അദ്ദേഹം പറഞ്ഞു. ഇത്രയും കാലം സര്ക്കാരാണ് ഓരോ ജോലികള് എന്നെ ഏല്പ്പിച്ചിരുന്നത്. ഇനി ജനങ്ങള് ഏല്പ്പിക്കട്ടെയെന്നും അദ്ദേഹം പറഞ്ഞു.