കിഫ്ബിക്കെതിരെ തെരഞ്ഞെടുപ്പ് കാലത്ത് കേന്ദ്ര ഏജൻസികൾ എടുത്തുചാടിയത് ആര്ക്ക് വേണ്ടി എന്നറിയാന് പാഴൂർപടിവരെ പോകേണ്ടതില്ല: മുഖ്യമന്ത്രി
കേരളത്തില് കിഫ്ബിക്കെതിരെ തെരഞ്ഞെടുപ്പ് കാലത്ത് കേന്ദ്ര സര്ക്കാരിന്റെ കീഴിലെ ഏജൻസികൾ ആർക്കുവേണ്ടിയാണ് എടുത്തുചാടിയതെന്ന് അറിയാൻ പാഴൂർപടിവരെ പോകേണ്ടതില്ലെന്ന് മുഖ്യമന്ത്രി പിണറായി വിജയൻ. മറ്റ് സംസ്ഥാനങ്ങളിലെ പോലെ ഭയപ്പെടുത്തി വരുതിയിലാക്കാമെന്ന് ഇവിടെ ബിജെപി കരുതേണ്ടെന്നും അദ്ദേഹം പറഞ്ഞു.
ആരോപണങ്ങള് ഉന്നയിക്കുന്ന ബിജെപിയേയും കോൺഗ്രസിനെയും തൃപ്തിപ്പെടുത്താനുള്ള അന്വേഷണമല്ല കേന്ദ്ര ഏജൻസികൾ നടത്തേണ്ടത്.തെറ്റായ ആരോപണങ്ങളുമായി ആക്രമിക്കാൻ വന്നാൽ കീഴടങ്ങാൻ ഉദ്ദേശിച്ചിട്ടില്ല.
ഒരു ശക്തിക്കുമുൻപിലും വഴങ്ങിക്കൊടുക്കുന്ന പാരമ്പര്യവുമില്ല.ഭയപ്പെടുത്തി വരുതിയിലാക്കിയ കോൺഗ്രസ് നേതാക്കളെ കേന്ദ്ര ഏജൻസികൾക്ക് പരിചയമുണ്ടായേക്കാം. ആ പരിപ്പ് ഇവിടെ വേവില്ല. ഇത് കേരളമാണ് എന്നും മുഖ്യമന്ത്രി പറഞ്ഞു.