ഇരയെ വിവാഹം ചെയ്യുമോയെന്ന ചോദ്യം; അറപ്പ് തോന്നുന്നു എന്ന് തപ്സി പന്നു
പ്രായപൂർത്തിയാവാത്ത പെൺകുട്ടിയെ ബലാത്സംഗം ചെയ്ത അറസ്റ്റില് നിന്ന് സംരക്ഷണം നല്കണമെന്നാവശ്യപ്പെട്ട് കോടതിയെ സമീപിച്ച പ്രതിയോട് ഇരയെ വിവാഹം ചെയ്യുമോയെന്ന് ചോദിച്ച സുപ്രീം കോടതിക്കെതിരെ രൂക്ഷ വിമര്ശനുമായി ബോളിവുഡ് നടി തപ്സി പന്നു.
‘ ഒരിക്കലെങ്കിലുംആ പെണ്കുട്ടിയോട് ആരെങ്കിലും ഈ ചോദ്യം ചോദിച്ചിരുന്നോ, അവരെ പീഡിപ്പിച്ചവനെ വിവാഹം കഴിക്കാന് ആഗ്രഹമുണ്ടോയെന്ന്? എങ്ങിനെയാണ് ഇങ്ങനെ ചോദിക്കാന് കഴിയുന്നു? ഇത് പരിഹാരമോ അതോ ശിക്ഷയോ? അറപ്പ്, അത് മാത്രമാണ് തോന്നുന്നത്,’തപ്സി സോഷ്യൽ മീഡിയയിൽ പറഞ്ഞു.
ഇന്നലെയായിരുന്നു ബലാത്സംഗക്കേസില് വിചിത്ര നിര്ദേശവുമായി സുപ്രീം കോടതി ചീഫ് ജസ്റ്റിസ് എസ്.എ ബോബ്ഡെ രംഗത്തെത്തിയത്. പ്രായപൂര്ത്തിയാകാത്ത വിദ്യാര്ത്ഥിനിയെ ബലാല്സംഗം ചെയ്തെന്ന പരാതിയില് മഹാരാഷ്ട്ര സ്റ്റേറ്റ് ഇലക്ട്രിക് പ്രൊഡക്ഷന് കമ്പനിയിലെ ടെക്നീഷ്യനായ മോഹിത് സുഭാഷ് ചവാനെതിരേയാണ് പോക്സോ നിയമപ്രകാരം പോലീസ് കേസെടുത്തിരുന്നത്. ഈ കേസിൽ പ്രതിയുടെ ജാമ്യാപേക്ഷ പരിഗണിക്കുന്നതിനിടെയാണ് ചീഫ് ജസ്റ്റിസ് പ്രതിഭാഗം അഭിഭാഷകനോട് ഇക്കാര്യം ചോദിച്ചത്.