ദൃശ്യം 2 എന്താണെന്ന് മനസിലായത് സിനിമ മുഴുവനും കണ്ടപ്പോള് മാത്രം: അഞ്ജലി
ജീത്തു ജോസഫ് സംവിധാനം ചെയ്ത ദൃശ്യം 2 വിലെ അനുഭവങ്ങള് പങ്കുവെച്ചെത്തിയിരിക്കുകയാണ് സരിത എന്ന കഥാപാത്രത്തെ അവതരിപ്പിച്ച അഞ്ജലി. സിനിമ പൂർണ്ണമായി കണ്ടപ്പോഴാണ് ‘ദൃശ്യം 2’ എന്താണെന്ന് തനിക്ക് മനസ്സിലായതെന്ന് ബിഹൈന്ഡ് ദി വുഡ്സിന് നല്കിയ അഭിമുഖത്തിൽ അഞ്ജലി പറഞ്ഞു.
‘അഭിനയിക്കുന്ന സമയം ഓരോ സീനിലും നമ്മള് ചെയ്യേണ്ട റിയാക്ഷന്സ് ഒക്കെ ജീത്തു ചേട്ടന് വളരെ കൃത്യമായി പറഞ്ഞു തന്നിരുന്നു. ചിലപ്പൊഴിക്കെ ചില സീനുകള് ഷൂട്ട് ചെയ്യുമ്പോള് ഓപ്പോസിറ്റ് ഫ്രെയിമില് എന്താണ് ഷൂട്ട് ചെയ്തതെന്ന് പറയാറില്ല. അവിടെ നേരത്തെ എന്തോ സംഭവം നടക്കുന്നുണ്ട്. ആ സമയം നിങ്ങള് ഇങ്ങനെയൊരു എക്സ്പ്രഷന് കൊടുക്കണം എന്ന് പറഞ്ഞു തന്നിരുന്നു.
ഈ സമയം ഞാനും സുമേഷേട്ടനും അപ്പോള് പറയാറുണ്ട്. ശരിക്കും അവിടെ എന്താണ് നടക്കുന്നതെന്ന്. അപ്പുറത്ത് ചിത്രത്തിന്റെ ട്വിസ്റ്റുകളാണ് നടക്കുന്നത്. വളരെ കോണ്ഫിഡന്ഷ്യല് ആയിട്ടുള്ള ഭാഗങ്ങള് ഒഴിവാക്കിയ സ്ക്രിപ്റ്റാണ് ഞാന് വായിച്ചത്. പിന്നീട് ഞങ്ങള് സിനിമ കണ്ടപ്പോഴാണ് ദൃശ്യം 2 എന്താണെന്ന്
പൂർണ്ണമായി മനസ്സിലായത്’, അഞ്ജലി പറഞ്ഞു.