മൂന്ന് ദിവസം മാത്രം പ്രായമുള്ള കുഞ്ഞിനെ കൊന്ന് വീടിന് പിന്നില് കുഴിച്ചുമൂടി; അമ്മയെ കസ്റ്റഡിയിലെടുത്ത് പോലീസ്
3 December 2020
നെടുമങ്ങാട് മൂന്ന് ദിവസം മാത്രം പ്രായമുള്ള നവജാത ശിശുവിനെ കൊന്ന് വീടിന് പിന്നില് കുഴിച്ചുമൂടിയ നിലയില് കണ്ടെത്തി. സംഭവത്തില് അമ്മ വിജി(29) യെ പോലീസ് കസ്റ്റഡിയിലെടുത്തു. മൂന്ന് ദിവസം പ്രായമുള്ള കുഞ്ഞിന്റെ മൃതദേഹമാണ് വീടിന് പുറകില് കുഴിച്ചിട്ട നിലയില് കണ്ടെത്തിയത്.
സമീപവാസികളാണ് കുഞ്ഞിന്റെ മൃതദേഹം കുഴിച്ചിട്ട നിലയില് കണ്ടെത്തിയത്. പിന്നാലെ വിവരം പോലീസിനെ അറിയിക്കുകയായിരുന്നു. ഭര്ത്താവില് നിന്നും അകന്ന് കഴിയുന്ന വിജി പിതാവിനും സഹോദരനും ഒപ്പമാണ് വീട്ടില് കഴിഞ്ഞിരുന്നത്.
ഒമ്പത് മാസം ഗര്ഭിണി ആയിരുന്ന വിജിയുടെ വയറ് തിങ്കളാഴ്ച മുതല് താഴ്ന്ന നിലയിലായിരുന്നു. തുടര്ന്ന് സംശയം തോന്നി പരിശോധന നടത്തിയപ്പോഴാണ് വീടിന് പുറകില് കുഞ്ഞിനെ കൊന്ന് കുഴിച്ചിട്ട നിലയില് കണ്ടത്’ പ്രദേശവാസിയായ ഒരു സ്ത്രീ പറഞ്ഞു.