കര്ഷകരുമായി കേന്ദ്രസര്ക്കാര് നടത്തിയ ചര്ച്ച പരാജയം; സമരം തുടരുമെന്ന് കര്ഷകര്
കേന്ദ്ര കാര്ഷിക നിയമത്തിനെതിരെ സമരം ചെയ്യുന്ന കര്ഷകരുമായി കേന്ദ്രസര്ക്കാര് ഇന്ന് നടത്തിയ ചര്ച്ച പരാജയം. ഡിസംബര് മൂന്നിന് കര്ഷകരുമായി വീണ്ടും ചര്ച്ച നടത്തും. ഡൽഹിയിലെ വിജ്ഞാന് ഭവനില് നടന്ന ചര്ച്ചയില് കാര്ഷിക നിയമങ്ങള് പിന്വലിക്കണമെന്ന് കര്ഷകര് ആവശ്യപ്പെട്ടു.
കര്ഷകരുടെ പ്രശ്നങ്ങള് പരിഹരിക്കുന്നതിന് വേണ്ടി കര്ഷക സംഘടനകളിലെ വിദഗ്ധരും സര്ക്കാര് പ്രതിനിധികളും ചേര്ന്ന് പാനല് രൂപീകരിക്കണമെന്ന കേന്ദ്ര സര്ക്കാരിന്റെ നിര്ദേശവും കര്ഷകര് തള്ളി.
കേന്ദ്ര കാര്ഷിക നിയമങ്ങള്ക്കെതിരായ തങ്ങളുടെ പ്രക്ഷോഭം തുടരുമെന്ന് കര്ഷക പ്രതിനിധി സംഘത്തിലെ അംഗമായ ചന്ദ സിംഗ്. കേന്ദ്രസര്ക്കാരുമായി നടത്തിയ ചര്ച്ചയ്ക്ക് ശേഷമായിരുന്നു അദ്ദേഹത്തിന്റെ പ്രതികരണം. ”ഞങ്ങളുടെ പ്രതിഷേധം തുടരും. ഞങ്ങള് സര്ക്കാരില് നിന്ന് എന്തെങ്കിലും വാങ്ങിക്കൊണ്ടുമാത്രമേ മടങ്ങൂ, അത് വെടിയുണ്ടയോ, സമാധനപരമായ പരിഹാരമോ ആകട്ടേ. അവരുമായി കൂടുതല് ചര്ച്ചകള്ക്ക് ഞങ്ങള് വീണ്ടും വരും.”- അദ്ദേഹം പറഞ്ഞു.
കേന്ദ്രസര്ക്കാരിന്റെ കാര്ഷിക നിയമം തങ്ങളുടെ കൃഷിനിലത്തെ കോര്പറേറ്റുകള് ഏറ്റെടുക്കുന്നത് സുഗമമാക്കുന്നതാണെന്ന് കര്ഷകര് പറഞ്ഞു. പാനല് രൂപീകരിക്കാനുളള അനുയോജ്യമായ സമയം ഇതല്ലെന്നും അവര് വ്യക്തമാക്കി.