KBC12: ഹൈന്ദവ വികാരം വ്രണപ്പെടുത്തി; അമിതാബ് ബച്ചനും ‘കോൻ ബനേഗ ക്രോർപതി’ക്കുമെതിരെ എഫ്ഐആർ
ബോളിവുഡ് നടൻ അമിതാഭ് ബച്ചൻ (Amitabh Bachchan) അവതാരകനായെത്തുന്ന ‘കോൻ ബനേഗ ക്രോർപതി’ (Kaun Banega Crorepati) യുടെ 12ാം (KCB 12) സീസൺ വിവാദത്തിൽ. കെസിബിയുടെ പുതിയ സീസൺ സെപ്റ്റംബർ 29 ന് ആരംഭിച്ചു. എന്നാൽ കഴിഞ്ഞ ആഴ്ച്ച ‘കർമ്മവീർ സ്‌പെഷ്യൽ’ എപ്പിസോഡിൽ മനുസ്മൃതിയുമായി (Manusmirti) ബന്ധപ്പെട്ട ഒരു ചോദ്യം സഫായ് കരംചാരിസ് പ്രസ്ഥാനത്തിലെ ബെജ്‌വാഡ വിൽസണും ടിവി താരം അനൂപ് സോണിയോടുമായി അദ്ദേഹം ചോദിച്ചു ഈ ചോദ്യമാണ് വിവാദത്തിലായത്.
6,40,000 രൂപയുടെ ചോദ്യമായിരുന്നു അത്. 1927 ഡിസംബർ 25 ന് ഡോ.ബി.ആർ അംബ്‌ദേക്കറും അനുയായികളും ചേർന്ന് അഗ്നിക്കിരയാക്കിയ വേദപുസ്തകം ഏതാണെന്നതായിരുന്നു ചോദ്യം. ഓപ്ഷനായി നലകിയതു വിഷ്ണു പുരാണ, ഭഗവത്ഗീത, റിഗ്ദേവ്, മനുസ്മൃതി എന്നിവയായിരുന്നു
മത്സരാർഥികൾ ഉത്തരം നൽകിയ ശേഷം ജാതി വിവേചനവും തൊട്ടുകൂടായ്മയും ന്യായീകരിക്കുന്നുവെന്ന് കാണിച്ച് അംബേദ്കർ മനുസ്മൃതി കത്തിച്ച വിവരവും ബച്ചൻ പങ്കുവെച്ചിരുന്നു.
സംഭവം വിവാദമായതിന് പിന്നാലെ ബച്ചനും ഷോക്കുമെതിരെ ലഖ്നോവിൽ കേസ് രജിസ്റ്റർ ചെയ്തു. അമിതാഭ് ബച്ചന്റേതു ഇടത് അജണ്ടയാണെന്ന് സമൂഹമാധ്യമങ്ങളിൽ ആരോപണമുയർന്നു. ഹൈന്ദവ വികാരം വ്രണപ്പെടുത്തിയെന്ന് കാണിച്ചാണ് ബച്ചനും പരിപാടിയുടെ അണിയറപ്രവർത്തകർക്കുമെതിരെ കേസ് രജിസ്റ്റർ ചെയ്തത്.
