ലോക്ഡൗണിൽ ജോലി നഷ്ടമായവർക്ക് പകുതി ശമ്പളം; “അടൽ ബീമ വ്യക്തി കല്യാൺ യോജന”
ന്യൂഡൽഹി: കോവിഡിനെ തുടർന്ന് കേന്ദ്രസർക്കാർ പ്രഖ്യാപിച്ച ലോക്ഡൗണിനെതിരെ വ്യാപക വിമർശനങ്ങൾ ഉയരുന്നതിനിടെ “അടൽ ബീമ വ്യക്തി കല്യാൺ യോജന”പദ്ധതിയുമായി കേന്ദ്രസർക്കാർ. ലോക്ഡൗണിൽ ജോലി നഷ്ടമായവർക്കായി കേന്ദ്ര സർക്കാരിന്റെ പുതിയ പദ്ധതി. ലോക്ഡൗൺ മൂലം ജോലി നഷ്ടമായവർക്ക് മൂന്ന് മാസത്തേക്ക് പകുതി ശമ്പളം നൽകുന്നതാണ് പദ്ധതി. എംപ്ലോയ്മെൻറ് സ്റ്റേറ്റ് ഇൻഷൂറൻസ് കോർപ്പറേഷനാണ് പദ്ധതി നടപ്പാക്കുന്നത്. 44,000 കോടിയാണ് ഇതിനായി ചെലവഴിക്കുക.
നിലവിൽ പദ്ധതിക്ക് വലിയ പ്രതികരണമില്ല. എങ്കിലും പരസ്യങ്ങളിലൂടെ കൂടുതൽ പേരിൽ ഇതേ കുറിച്ച് അവബോധം സൃഷ്ടിക്കാനാണ് ശ്രമം. അതിലൂടെ കൂടുതൽ പേരിലേക്ക് പദ്ധതി എത്തിക്കാൻ കഴിയുമെന്ന് തൊഴിൽ മന്ത്രാലയത്തിലെ ഉദ്യോഗസ്ഥൻ പ്രതികരിച്ചു.
കോവിഡിനെ തുടർന്ന് കേന്ദ്രസർക്കാർ പ്രഖ്യാപിച്ച ലോക്ഡൗണിനെതിരെ വ്യാപക വിമർശനങ്ങൾ ഉയരുന്നതിനിടെയാണ് പുതിയ പദ്ധതിയുമായി സർക്കാർ രംഗത്തെത്തുന്നത്. ലോക്ഡൗണിൽ അന്തർ സംസ്ഥാന തൊഴിലാളികളുൾപ്പടെ ദുരിതത്തിലായത് സർക്കാരിന്റെ പ്രതിഛായ മോശമാകുന്നതിന് കാരണമായിരുന്നു.