മാണി സി കാപ്പൻ എൽഡിഎഫ് വിടുമെന്നു പറഞ്ഞു: വെളിപ്പെടുത്തലുമായി എംഎം ഹസൻ
14 October 2020
മാണി സി. കാപ്പൻ എൽഡിഎഫ് വിടുമെന്ന് പറഞ്ഞുവെന്ന് വെളിപ്പെടുത്തി യുഡിഎഫ് കൺവീനർ എം.എം. ഹസൻ രംഗത്ത്. ഇടത് മുന്നണി പാലാ സീറ്റ് ജോസ് കെ. മാണിക്ക് കൊടുത്താൻ എൽഡിഎഫ് വിടുമെന്ന് മാണി സി. കാപ്പൻ പറഞ്ഞുവെന്നാണ് ഹസൻ വെളിപ്പെടുത്തിയത്.
പ്രതിപക്ഷ നേതാവ് രമേശ് ചെന്നിത്തലയെയാണ് അദ്ദേഹം ഇക്കാര്യം വിളിച്ചറിയിച്ചതെന്നും ഹസൻ പറഞ്ഞു. എൽഡിഎഫ് മുങ്ങുന്ന കപ്പലാണ്. ജോസ് കെ. മാണി വന്നതുകൊണ്ട് നേട്ടമുണ്ടാകില്ലെന്നും എംഎം ഹസൻ പറഞ്ഞു.
എൻസിപിയിൽ നിന്നും കൊഴിഞ്ഞുപോക്കുണ്ടാകുമെന്നും ഹസൻ വ്യക്തമാക്കി. കേരള കോൺഗ്രസ് കോട്ടയം എംപി സ്ഥാനവും രാജി വയ്ക്കണമെന്നും ഹസൻ ആവശ്യപ്പെട്ടു.