സാമ്പത്തിക രംഗത്ത് ബംഗ്ലദേശും ഇന്ത്യയെ മറികടക്കാൻ സജ്ജമായിരിക്കുന്നു; കേന്ദ്ര സര്‍ക്കാരിനെ പരിഹസിച്ച് രാഹുല്‍
രാജ്യത്തിന്റെ ആളോഹരി വരുമാനത്തിൽ അടുത്തുതന്നെ ഇന്ത്യയെ ബംഗ്ലാദേശ് മറിക്കടക്കുമെന്ന് അന്താരാഷ്ട്ര നാണ്യനിധി വെളിപ്പെടുത്തിയ പിന്നാലെ കേന്ദ്ര സർക്കാറിനെ പരിഹസിച്ച് കോൺഗ്രസ് നേതാവ് രാഹുൽ ഗാന്ധിരംഗത്തെത്തി ”ബിജെപി നടപ്പാക്കുന്ന വിദ്വേഷം നിറഞ്ഞ സാംസ്കാരിക ദേശീയതക്ക് മികച്ച നേട്ടം കൈവന്നിരിക്കുന്നു. അടുത്തുതന്നെ ബംഗ്ലദേശും ഇന്ത്യയെ മറികടക്കാൻ സജ്ജമായിരിക്കുന്നു” -രാഹുൽ ഗാന്ധി ഫേസ്ബുക്കിൽ എഴുതി.
ഇന്ത്യന്‍ റിസർവ് ബാങ്ക് കണക്കുകൂട്ടിയതിലും താഴെയാകും ഇക്കൊല്ലത്തെ വളർച്ചയെന്നും ഐഎംഎഫ് പറഞ്ഞിരുന്നു.ഇന്ത്യ വീഴുമ്പോള്‍ അയല്‍ രാജ്യമായ ബംഗ്ലാദേശിന്‍റെ ആളോഹരി വരുമാനം നാലുശതമാനം വർദ്ധിച്ച് 1888 ഡോളറാകും. ഈ സമയം ഇന്ത്യയുടേത് 10.5ശതമാനം കുറഞ്ഞ് 1877 ഡോളറിലേക്കും എത്തും.
അവസാന അഞ്ചുവർഷമായി ഇന്ത്യയുടെ ആളോഹരി വരുമാനത്തിൽ 3.2 ശതമാനം നിരക്ക് മാത്രം കൂടിയതും ബംഗ്ലാദേശിന്‍റെത് 9.1 ശതമാനം നിരക്കിൽ ഉയർന്നതുമാണ് ഇതിന് കാരണമായി അന്താരാഷ്ട്ര നാണയനിധി പറയുന്നത്. ഇപ്പോഴത്തെവിഡിനെ തുടർന്നുണ്ടായ പ്രതിസന്ധിയിൽ രാജ്യത്തിന്റെ സമ്പദ്വളർച്ച ഇനിയും താഴുമെന്നും ഐഎംഎഫ് മുന്നറിയിപ്പ് നല്‍കിയിരുന്നു.
