മൊബൈല് ഷോപ്പില് നിന്നും ഫോൺ മോഷ്ടിച്ച് മുങ്ങിയ കള്ളനെ പിന്തുടർന്നു; സൗദിയില് മലയാളിക്ക് ക്രൂരമർദ്ദനം
മൊബൈൽ ഫോൺ വിൽക്കുന്ന ഷോപ്പിൽ സാധനം വാങ്ങാനെന്ന വ്യാജേന എത്തിയശേഷം മൊബൈൽ ഫോൺ മോഷ്ടിച്ച് കടന്നുകളയാന് ശ്രമിച്ച കള്ളനെ പിന്തുടർന്ന മലയാളിക്ക് ക്രൂര മർദ്ദനം. സൗദിയിലെ ബത്ഹയിലെ ഷോപ്പിൽ നിന്ന് മൊബൈൽ ഫോൺ എടുത്തുകൊണ്ട് ഓടിയ കള്ളന് പിന്നാലെ ഓടിയ മലയാളി ഇവർ സഞ്ചരിച്ച വാഹനത്തിന്റെ അടുത്തെത്തി മൊബൈൽ ഫോൺ ആവശ്യപ്പെടുകയായിരുന്നു. എന്നാല് ഇതിനിടയിൽ വാഹനം മുന്നോട്ടെടുക്കുകയും മലയാളിയെ അര കിലോമീറ്ററോളം റോഡിൽ വലിച്ചിഴച്ചു കൊണ്ടുപോവുകയും ചെയ്തു.
ഈ രംഗങ്ങള് കണ്ടുനിന്ന കണ്ടുനിന്ന ആളുകൾ പിന്തുടര്ണതോടെ വാഹനത്തില് ഉണ്ടായിരുന്നവര് മലയാളിയെ വാഹത്തിൽ നിന്ന് പുറത്തേക്ക് തള്ളിയിട്ട് കടന്നു കളയുകയുമായിരുന്നു. ഈ സമയത്തിനിടയില് വാഹനത്തിൽ ഉണ്ടായിരുന്ന കള്ളന്മാരുടെ സംഘം മലയാളിയെ ക്രൂരമായി മർദ്ദിക്കുകയും ചെയ്തു.
മര്ദ്ദനത്താല് മുഖത്തും നെഞ്ചിലും സാരമായി പരിക്കേറ്റ ഇയാളെ ഒടുവിൽ പോലീസ് എത്തി ആശുപത്രിയിലേക്ക് മാറ്റുകയായിരുന്നു. വാഹനത്തിൽ ഉണ്ടായിരുന്ന നാല് പേര് മൊബൈൽ ഫോണുമായി കടന്നു കളയുകയും ചെയ്തു.