എംപിമാർക്ക് കോവിഡ്; പാർലമെന്റ് സമ്മേളനം വെട്ടിച്ചുരുക്കാൻ സാധ്യത
19 September 2020
നിരവധി എംപിമാർക്ക് കോവിഡ് സ്ഥിരീകരിച്ചതോടെ പാർലമെന്റിന്റെ വർഷകാല സമ്മേളനം വെട്ടിച്ചുരുക്കാൻ കേന്ദ്രസർക്കാർ ആലോചിക്കുന്നതായി റിപ്പോർട്ട്.
കോവിഡ് വ്യാപന സാഹചര്യത്തില് സുരക്ഷാ മുന്കരുതല് നടപടികള് പാലിച്ചാണ് സഭ ചേരുന്നത്. അതിനിടെ, കേന്ദ്രമന്ത്രിമാരായ നിതിന് ഗഡ്കരിക്കും പ്രഹ്ളാദ് സിംഗ് പട്ടേലിനും ഉള്പ്പടെ 30 എംപിമാര്ക്കും കോവിഡ് സ്ഥിരീകരിച്ചു. ഈ സാഹചര്യത്തിലാണ് സമ്മേളനം വെട്ടിച്ചുരുക്കാന് കേന്ദ്രസര്ക്കാര് ആലോചിക്കുന്നത്. തുടര്ച്ചയായി 18 ദിവസത്തേക്ക് വര്ഷകാല സമ്മേളനം ചേരാനായിരുന്നു നേരത്തെ തീരുമാനിച്ചിരുന്നത്.