2,000 ഹൈഡ്രജൻ ബലൂണുകൾ പൊട്ടിത്തെറിച്ചു; ബിജെപി പ്രവർത്തകർക്ക് പരിക്ക്
പ്രധാനമന്ത്രി നരേന്ദ്ര മോദിയുടെ ജന്മദിനത്തോട് അനുബന്ധിച്ച് നടന്ന ആഘോഷത്തിനിടെ ഹൈഡ്രജൻ ബലൂണുകള് പൊട്ടിത്തെറിച്ച് നിരവധി ബിജെപി പ്രവര്ത്തകര്ക്ക് പരിക്ക്. ചെന്നൈയിലെ പാഡി നഗറിലാണ് സംഭവം. ആളപായമില്ല.
ഹൈഡ്രജൻ നിറച്ച 2,000 ബലൂണുകളാണ് ആഘോഷ സ്ഥലത്ത് പ്രവര്ത്തകര് എത്തിച്ചത്. ഈ ബലൂണുകള് ആകാശത്തേക്ക് പറത്തി വിടാനായിരുന്നു പ്രവര്ത്തകര് പദ്ധതിയിട്ടത്.
ചടങ്ങിലെ മുഖ്യാതിഥി എത്തിയപ്പോള് പടക്കം പൊട്ടിച്ചിരുന്നു. അതിൽ നിന്ന് ബലൂണിലേക്ക് തീ പടര്ന്നു. ഞൊടിയിടയിൽ ബലൂണുകൾ പൊട്ടിത്തെറിച്ച് തീ ആളിപ്പടരുകയായിരുന്നു. അപകടത്തില് പരിക്കു പറ്റിയവരെ ഉടൻ ആശുപത്രിയിലേക്കു മാറ്റി. അനുമതിയില്ലാതെ ചടങ്ങ് നടത്തിയ ബിജെപി ഭാരവാഹികള്ക്കെതിരെ പോലീസ് കേസെടുത്തു