ഐഎഫ്എഫ്കെ: 25-ാമത് കേരള രാജ്യാന്തര ചലച്ചിത്ര മേള 2021 ഫെബ്രുവരിയിൽ
25-ാമത് കേരള രാജ്യാന്തര ചലച്ചിത്ര മേള (ഐഎഫ്എഫ്കെ) 2021 ഫെബ്രുവരിയിലേക്ക് മാറ്റി. സാധാരണ ഡിസംബര് മാസത്തില് നടക്കാറുള്ള ചലച്ചിത്രമേള നിലവിലെ കോവിഡ് സാഹചര്യങ്ങളെ തുടർന്നാണ് ഇത്തരത്തിൽ മാറ്റിയത്.
ഫെബ്രുവരി 12 മുതല് 19 വരെയാണ് മേള നടക്കുക. ആ സമയത്തെ കോവിഡ് സാചര്യം പരിഗണിച്ചായിരിക്കും നടത്തിപ്പെന്ന് സംഘാടകരായ കേരള സംസ്ഥാന ചലച്ചിത്ര അക്കാദമി ഫെയ്സ്ബുക്ക്ക്കി പോസ്റ്റിലൂടെ അറിയിച്ചു.
മേളയുടെ മാർഗനിർദേശങ്ങളും പുറത്ത് വിട്ടിട്ടുണ്ട്. 2019 സെപ്റ്റംബര് ഒന്നിനും 2020 ഓഗസ്റ്റ് 31നും ഇടയില് പൂര്ത്തീകരിച്ച ചിത്രങ്ങള്ക്കാണ് പങ്കെടുക്കാന് അവസരം. എന്ട്രികള് ഒക്ടോബര് 31ന് ഉള്ളിൽ അയയ്ക്കണം. പ്രിവ്യൂ മെറ്റീരിയല് നവംബര് 2ന് മുന്പും അയച്ചിരിക്കണം.. തെരഞ്ഞെടുക്കപ്പെട്ട സിനിമകളുടെ പട്ടിക ഡിസംബര് 10ന് പ്രസിദ്ധീകരിക്കും. സ്ക്രീനിംഗ് മെറ്റീരിയല് സമര്പ്പിക്കേണ്ട അന്തിമ തീയ്യതി 2021 ജനുവരി 20 ന്.