ബിജെപി ഐടി സെൽ അംഗങ്ങളെ പുറത്താക്കണം; സുബ്രഹ്‌മണ്യന്‍ സ്വാമി
7 September 2020
ബി.ജെ.പി. ഐ.ടി. സെല്‍ മേധാവി അമിത് മാളവ്യക്കെതിരേ ഗുരുതര ആരോപണമുന്നയിച്ച് ബി.ജെ.പി. രാജ്യസഭാ എം.പി. സുബ്രഹ്‌മണ്യന്‍ സ്വാമി. തെറ്റായ ട്വീറ്റുകള്‍ ഉപയോഗിച്ച് അമിത് മാളവ്യ തനിക്കെതിരേ ക്യാമ്പയിന്‍ നടത്തുന്നുവെന്നാണ് സുബ്രഹ്‌മണ്യന്‍ സ്വാമിയുടെ ആരോപണം. എന്നാല്‍ ട്വിറ്ററിലൂടെ പരസ്യമായി ആരോപണം ഉന്നയിച്ചിട്ടും എന്താണ് ക്യാമ്പയിന്‍ എന്ന് വ്യക്തമാക്കാന്‍ അദ്ദേഹം ഇതുവരെ തയാറായിട്ടില്ല.
‘ബി.ജെ.പി. ഐ.ടി. സെല്ലില്‍ ഇപ്പോള്‍ തെമ്മാടിത്തരമാണ് നടക്കുന്നത്. അതിലെ ചില അംഗങ്ങൾ വ്യാജ ഐ.ഡിയില്‍ നിന്നു ട്വീറ്റുകള്‍ ചെയ്ത് എന്നെ ആക്രമിക്കാന്‍ ശ്രമിക്കുകയാണ്. പാര്‍ട്ടി ഐ.ടി. സെല്‍ ചെയ്യുന്ന തെമ്മാടിത്തരം പാര്‍ട്ടിക്ക് ഏറ്റെടുക്കാന്‍ കഴിയാത്തതുപോലെ എന്റെ അനുയായികള്‍ പ്രകോപിതരായാല്‍ അതിന്റെ ഉത്തരവാദിത്തം എനിക്കും ഏറ്റെടുക്കാന്‍ കഴിയില്ല’- അദ്ദേഹം ട്വീറ്റ് ചെയ്തു.
