തലസ്ഥാനത്ത് വൻ കഞ്ചാവ് വേട്ട; 500 കിലോ കഞ്ചാവ് പിടികൂടി
തിരുവനന്തപുരത്ത് 500 കിലോ കഞ്ചാവ് പിടികൂടി. ദേശീയപാതയിൽ ആറ്റിങ്ങലിന് സമീപം കോരാണിയിൽവെച്ച് ഞായറാഴ്ച രാവിലെ 7 മണിയോടെയാണ് കഞ്ചാവ് വേട്ട നടന്നത്. മൈസൂരുവിൽ നിന്ന് കണ്ടെയ്നർ ലോറിയിൽ ഒളിപ്പിച്ച് കടത്താൻ ശ്രമിച്ച കഞ്ചാവാണ് എക്സൈസ് സ്പെഷ്യൽ സ്ക്വാഡ് പിടികൂടിയത്. ലോറിയിൽ ഡ്രൈവർ ക്യാബിന് മുകളിൽ പ്രത്യേകം നിർമ്മിച്ച അറകളിലായിരുന്നു കഞ്ചാവ് ഒളിപ്പിച്ചത്.
വാഹനത്തില് ഉണ്ടായിരുന്ന പഞ്ചാബ് സ്വദേശി കുല്വന്ത് സിങ് ഝാര്ഖണ്ഡ് സ്വദേശി കൃഷ്ണ എന്നിവരെ അറസ്റ്റ് ചെയ്തു. ഇവര്ക്ക് കഞ്ചാവ് കൊടുത്തയച്ചവരെപ്പറ്റിയും കൈപ്പറ്റുന്നവരെ കുറിച്ചും വ്യക്തമായ സൂചനകള് ലഭ്യമായിട്ടുണ്ടെന്ന് എക്സൈസ് ഉദ്യോഗസ്ഥര് അറിയിച്ചു. എക്സൈസ് വകുപ്പിന് ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിലാണ് ഏകദേശം 20 കോടി രൂപ വില വരുന്ന കഞ്ചാവ് പിടിച്ചെടുത്തത്. സംസ്ഥാനത്ത് ഇതുവരെ പിടികൂടിയതിൽ വെച്ച് ഏറ്റവും വലിയ കഞ്ചാവ് വേട്ടയാണിതെന്ന് ഉദ്യോഗസ്ഥർ വ്യക്തമാക്കി