ബിരുദ- ബിരുദാനന്തര കോഴ്സുകളിൽ എല്ലാവരെയും ജയിപ്പിക്കാൻ തമിഴ്നാട് സര്‍ക്കാര്‍; തീരുമാനത്തെ സ്വാഗതം ചെയ്ത് വിദ്യാർത്ഥികള്‍
27 August 2020
കോവിഡ് വൈറസ് വ്യാപനം വളരെ രൂക്ഷമായതിനാൽ തമിഴ്നാട്ടില്‍ ബിരുദ- ബിരുദാനന്തര കോഴ്സുകളിലെ അവസാന സെമസ്റ്റർ ഒഴികെ മറ്റെല്ലാ പരീക്ഷകളും റദ്ദാക്കിക്കൊണ്ട് സംസ്ഥാന സർക്കാർ ഉത്തരവിട്ടു. പരീക്ഷയുടെ ഫീസടച്ച എല്ലാ വിദ്യാര്‍ത്ഥികളെയും ജയിപ്പിക്കാനാണ് സര്‍ക്കാര്‍ തീരുമാനം.
ഇതിന്റെ ഭാഗമായി സപ്ലിമെൻററി പേപ്പറുകളിലും എല്ലാവര്‍ക്കും പാസ് നൽകും. അതേസമയം ഹാജർ, ഇന്‍റെണൽ മാർക്ക് എന്നിവയുടെ അടിസ്ഥാനത്തിൽ ആയിരിക്കും ഗ്രേഡ് നൽകുക. സപ്ലിമെൻററിയുള്ള പേപ്പറുകളില്‍ പരീക്ഷകൾ ഒഴിവാക്കി ആള്‍ പാസ് നൽകാനുള്ള സർക്കാർ തീരുമാനത്തെ വിദ്യാർത്ഥികൾ സ്വാഗതം ചെയ്തു. തമിഴ്നാട്ടില്‍ വിവിധയിടങ്ങളിൽ വിദ്യാർത്ഥികൾ മുഖ്യമന്ത്രി എടപ്പാടി പളനിസാമിക്ക് അഭിനന്ദനം രേഖപ്പെടുത്തി ബാനറുകൾ സ്ഥാപിക്കുകയും ചെയ്തു.
