സിറിയയിലും ഇറാക്കിലുമായി 10,000ലേറെ ഐഎസ് ഭീകരർ സജീവമായുണ്ട്: ഐക്യരാഷ്ട്രസഭ
സിറിയയിലും ഇറാക്കിലുമായി 10,000ലേറെ ഐഎസ് ഭീകരർ സജീവമാണെന്ന് ഐക്യരാഷ്ട്രസഭ ഭീകരവാദവിരുദ്ധ വിഭാഗം തലവൻ വ്ലാദിമിർ വൊറോണ്കോവിൻ്റെ വെളിപ്പെടുത്തൽ. ചെറിയ ചെറിയ സംഘങ്ങളായാണ് ഇവർ ഇപ്പോൾ പ്രവർത്തിക്കുന്നതെന്നും അദ്ദേഹം പറഞ്ഞു.
രണ്ട് രാജ്യത്തുമായി 10,000 ഭീകരർ ഇപ്പോഴും സജീവമായി പ്രവർത്തിക്കുന്നുണ്ടെന്നാണ് ലഭ്യമാകുന്ന വിവരമെന്നുമാണ് അദ്ദേഹം പറയുന്നത്. ഐക്യരാഷ്ട്രസഭ സുരക്ഷാ കൗണ്സിലിൽ സംസാരിക്കവേയാണ് അദ്ദേഹം ഇക്കാര്യം വ്യക്തമാക്കിയത്.
2019-20 വർഷങ്ങളിലായി ഇവരുടെ എണ്ണത്തിൽ വർധനവ് ഉണ്ടായിട്ടുണ്ടെന്നും അദ്ദേഹം സുരക്ഷാസമിതിയെ അറിയിച്ചു. അമേരിക്കൻ പ്രതിരോധ വിഭാഗം ഇൻസ്പെക്ടർ ജനറലിന്റെ റിപ്പോർട്ടിനെ ഉദ്ധരിച്ചാണ് വൊറോണ്കോവ് ഇക്കാര്യം വ്യക്തമാക്കിയത്.