ജൂലെെ 14ലെ തീ പിടിക്കാതിരിക്കാനുള്ള നടപടി സ്വീകരിക്കണമെന്ന സർക്കുലർ ഇപ്പോഴത്തെ തീപിടുത്തത്തിൻ്റെ തിരക്കഥ: കെ സുരേന്ദ്രൻ
സെക്രട്ടേറിയറ്റിലെ പ്രോട്ടോക്കോൾ ഓഫീസിലുണ്ടായ തീപിടിത്തം ആസൂത്രിതം തന്നെയാണെന്ന് ആവര്ത്തിച്ച് ബിജെപി സംസ്ഥാന അധ്യക്ഷൻ കെ. സുരേന്ദ്രൻ വീണ്ടും രംഗത്ത്. ജുലൈ 13 ന് സെക്രട്ടേറിയറ്റിനകത്ത് അഗ്നിബാധ സാധ്യത സൂചിപ്പിച്ചുള്ള പൊതുഭരണ വകപ്പിന്റെ സർക്കുലർ ഇതിനുള്ള തിരക്കഥയാണെന്നും അദ്ദേഹം പറഞ്ഞു.
തീ പിടിക്കാതിരിക്കാൻ ജാഗ്രത നടപടി സ്വീകരിക്കണമെന്ന് സർക്കുലറിൽ പറയുന്നുണ്ടെന്നും കെ സുരേന്ദ്രൻ ചൂണ്ടിക്കാട്ടി. പ്രോട്ടോക്കോൾ ഓഫീസിൽ നടത്തിയ കോവിഡ് പരിശോധന പോലും ദുരൂഹമാണെന്നും അദ്ദേഹം പറഞ്ഞു.
തീപിടിത്തത്തിൽ പ്രധാനഫയലുകൾ നഷ്ടപ്പെട്ടിട്ടില്ലന്ന് അഡീഷണൽ സെക്രട്ടറി എന്ത് അടിസ്ഥാനത്തിലാണ് പറയുന്നത്. സെക്രട്ടറിയേറ്റിൽ എല്ലാം ഇ ഫയൽ ആണോ ? അങ്ങനെയെങ്കിൽ മുഖ്യമന്ത്രിയുടെ യാത്രാ വിവരങ്ങൾ കസ്റ്റംസ് ക്ലിയറൻസ് അടക്കം പുറത്ത് വിടാൻ തയാറാകണമെന്നും സുരേന്ദ്രൻ ആവശ്യപ്പെട്ടു.