ഉണങ്ങിയ പഴങ്ങളാല് ഗണേശ പ്രതിമ നിര്മ്മിച്ച് ഡോക്ടര്; ഈ പഴങ്ങള് കൊവിഡ് രോഗികൾക്ക് പ്രസാദമായി നല്കാന് തീരുമാനം
രാജ്യമാകെ കൊവിഡ് സുരക്ഷാ മാനദണ്ഡങ്ങൾ പാലിച്ചുകൊണ്ടാണ് ജനങ്ങള് വിനായക ചതുര്ദ്ധി ആഘോഷങ്ങളിൽ ഇന്ന് പങ്കാളികളാകുന്നത്. ഇവിടെ സൂറത്തില് പരിസ്ഥിതി സൗഹൃദ ഗണേശ പ്രതിമ നിർമ്മിച്ചിരിക്കുകയാണ് ഒരു ആശുപത്രിയിലെ ഡോക്ടറായ അദിതി മിത്തൽ. ഇതിന്റെ മറ്റൊരു പ്രത്യേകത എന്തെന്നാല് കൊവിഡ് രോഗികൾക്ക് വേണ്ടിയാണ് അവർ ഉണങ്ങിയ പഴങ്ങൾ കൊണ്ടുള്ള പ്രതിമ നിർമ്മിച്ചത്. എന്നതാണ്.
ആഘോഷങ്ങളുടെ ഭാഗമായി കൊവിഡ് രോഗികൾക്ക് പ്രതിമ നിര്മ്മിക്കാന് ഉപയോഗിച്ച ഈ ഉണങ്ങിയ പഴങ്ങൾ പ്രസാദമായി നൽകാനാണ് തന്റെ തീരുമാനമെന്ന് ഇവർ പറയുകയും ചെയ്തു. രോഗികള്ക്ക് പ്രതിരോധ ശേഷി വർദ്ധിപ്പിക്കുന്നവയാണ് ഈ ഉണങ്ങിയ പഴങ്ങൾ എന്നാണ് ഇവരുടെ അവകാശവാദം .
ഏകദേശം 511 പഴങ്ങളാണ് ഈ പ്രതിമയുടെ നിർമ്മാണത്തിനായി അദിതി മിത്തൽ ഉപയോഗിച്ചത്. ഇന്നത്തെ ആഘോഷങ്ങള്ക്ക് ശേഷം അടുത്ത പത്ത് ദിവസം പ്രതിമ കൊവിഡ് ആശുപത്രിയിൽ സൂക്ഷിച്ചതിന് ശേഷമായിരിക്കും പ്രസാദമായി നൽകുക എന്നും ഡോ അദിതി വ്യക്തമാക്കി.