ഒപ്പമുണ്ടാകും, എന്നും: ഇന്ത്യയ്ക്ക് ഉറപ്പു നൽകി ഡെമോക്രാറ്റിക് പാർട്ടി പ്രസിഡന്റ് സ്ഥാനാർഥി ജോ ബൈഡൻ
16 August 2020
അമേരിക്കയിൽ തന്റെ നേതൃത്വത്തിലുള്ള സർക്കാർ അധികാരത്തിലെത്തിയാൽ ഇന്ത്യ-യുഎസ് ബന്ധം കൂടുതൽ ശക്തമാക്കുമെന്ന് ഇന്ത്യയ്ക്ക് ഉറപ്പു നൽകി ഉഡെമോക്രാറ്റിക് പാർട്ടി പ്രസിഡന്റ് സ്ഥാനാർഥി ജോ ബൈഡൻ. അതിർത്തി മേഖലകളിൽ ഇന്ത്യ നേരിടുന്ന വെല്ലുവിളികൾ അതിജീവിക്കാൻ തന്റെ ഭരണകൂടം ഒപ്പമുണ്ടാകുമെന്നും അദ്ദേഹം വ്യക്തമാക്കി.
ഒബാമ സർക്കാരിന്റെ കാലത്ത് താൻ വൈസ് പ്രസിഡന്റായിരുന്നപ്പോൾ ഇന്ത്യയുമായുള്ള ബന്ധം നല്ലനിലയിലാണ് കൊണ്ടുപോയിരുന്നതെന്നും ബൈഡൻ വ്യക്തമാക്കി. ഇന്ത്യയുടെ 74-ാം സ്വാതന്ത്ര്യ ദിനത്തിന്റെ ഭാഗമായി സംഘടിപ്പിച്ച ചടങ്ങിൽ സംസാരിക്കവെയാണ് ഇന്ത്യൻ അനുകൂല നിലപാടുമായി ബൈഡൻ രംഗത്തെത്തിയത്.