എസ് പി ബാലസുബ്രഹ്മണ്യത്തിന് കോവിഡ്; ആശങ്ക വേണ്ടെന്ന് താരം
5 August 2020
പ്രശസ്ത ഗായകൻ എസ്പി ബാലസുബ്രഹ്മണ്യത്തിന് കോവിഡ് സ്ഥിരീകരിച്ചു. ചെന്നൈയിലുള്ള സ്വകാര്യ ആശുപത്രിയില് ചികിത്സയിലാണ് നിലവില് അദ്ദേഹം. എസ് പി ബി തന്നെയാണ് തനിക്ക് രോഗം സ്ഥിരീകരിക്കപ്പെട്ട വിവരം അറിയിച്ചത്.
കഴിഞ്ഞ മൂന്ന് ദിവസമായി തനിക്ക് ജലദോഷവും അസ്വസ്ഥതയും ശ്വാസതടസവും പനിയും ഉണ്ടായിരുന്നു. ഇതിനെ തുടര്ന്ന് പരിശോധനയ്ക്ക് വിധേയനാകുകയായിരുന്നു എന്നും അദ്ദേഹം പറഞ്ഞു.
വൈറസ് ബാധ സ്ഥിരീകരിച്ചതോടെ ഡോക്ടർമാർ ക്വാറൻറീൻ നിർദ്ദേശിച്ചു.ഇപ്പോള് കാര്യമായ ആരോഗ്യപ്രശ്നങ്ങൾ ഇല്ലാത്തതിനാൽ വീട്ടിൽ തന്നെ തുടരാമായിരുന്നു. പക്ഷെ കുടുംബാംഗങ്ങളുടെ സുരക്ഷയ്ക്ക് വേണ്ടി താൻ ആശുപത്രിയിൽ പ്രവേശിച്ചുവെന്നും ആരും ആശങ്കപ്പെടെണ്ടതില്ല എന്നും ബാലസുബ്രഹ്മണ്യം അറിയിച്ചു.