കാസര്കോട് മഞ്ചേശ്വരത്ത് കുടുംബത്തിലെ നാല്പേരെ യുവാവ് വെട്ടിക്കൊന്നു
3 August 2020
കാസർകോട് ജില്ലയിലെ മഞ്ചേശ്വരത്ത് കുടുംബത്തിലെ നാല്പേരെ യുവാവ് വെട്ടിക്കൊന്നു. പൈവളിഗെ ബായാറിലുള്ള കുടുംബത്തിലെ നാലുപേരെ ബന്ധുവായ ബായാർ സുധംബളയിലെ ഉദയൻ (40) ആണ് വെട്ടി കൊലപ്പെടുത്തിയത്.
സംഭവ ശേഷം പ്രതിയെ നാട്ടുകാർ പിടികൂടി പോലീസിൽ ഏൽപ്പിക്കുകയായിരുന്നു. കൊലചെയ്ത യുവാവിന്റെ മാതാവിൻെറ മൂന്ന് സഹോദരൻമാരും ഒരു സഹോദരിയുമാണ് കൊലചെയ്യപ്പെട്ടത്.
ഇന്ന് രാത്രി 7.30നാണ് സംഭവം നടക്കുന്നത്. അതേസമയം, പ്രതിക്ക് മാനസിക അസ്വാസ്ഥ്യം ഉള്ളതായി നാട്ടുകാരും പോലീസും പറയുന്നു. വഴിത്തർക്കമാണ് കൊലപാതകത്തിലേക്ക് നയിച്ചത് എന്ന സൂചനയും ഉണ്ട്.