ഗവര്ണറെ കാണണമെങ്കില് ഇനി മുതൽ കൊവിഡ് നെഗറ്റീവ് പരിശോധനാഫലം കൈയില് വേണം; ഉത്തരവുമായി ഹിമാചൽ രാജ്ഭവൻ
ഇന്ത്യന് സംസ്ഥാനമായ ഹിമാചൽ പ്രദേശില് ഗവർണർ ബന്ദരു ദത്താത്രേയയെ കാണാൻ എത്തുന്നവർ ഇനി മുതൽ കൊവിഡ് നെഗറ്റീവ് പരിശോധനാഫലം കൈവശം കരുതണം. സംസ്ഥാന ഗവര്ണറുടെ ആസ്ഥാനമായ രാജ്ഭവൻ പുറപ്പെടുവിച്ച ഉത്തരവിലാണ് ഈ നിർദ്ദേശമുള്ളത്.
കൊവിഡ് 19 നെഗറ്റീവ് പരിശോധനാ ഫലം ലഭിച്ചിട്ടുണ്ടോ എന്ന് ഗവർണറെ കാണാൻ വരുന്നവരോട് ആവശ്യപ്പെടാൻ രാജ്ഭവൻ ഉത്തരവ് പുറപ്പെടുവിച്ചതായി ഗവർണറുടെ സെക്രട്ടറി രാകേഷ് കൻവർ അറിയിക്കുകയായിരുന്നു. സംസ്ഥാനമാകെ കൊവിഡ് വ്യാപനം വർദ്ധിച്ച സാഹചര്യത്തിൽ ജൂലൈ 21 മുതൽ നഹാൻ നഗരത്തിൽ കർഫ്യൂ പ്രഖ്യാപിക്കാൻ തീരുമാനിച്ചിരിക്കുകയാണ് സിർമൗർ ജില്ലാ ഭരണകൂടം.
കര്ഫ്യൂ സമയം മദ്യഷോപ്പുകൾ, ഔഷധ വ്യാപാര സ്ഥാപനങ്ങൾ എന്നിവയൊഴികെ എല്ലാം അടച്ചിടാൻ ജില്ലാ മജിസ്ട്രേറ്റ് ഉത്തരവിട്ടു. എന്നാല് ഈ ദിവസങ്ങളില് സർക്കാർ ഓഫീസുകളും ബാങ്കുകളും തുറന്ന് പ്രവർത്തിക്കും. നഗരങ്ങളില് ശുചിത്വ നടപടികൾ നടത്തുമെന്നും മജിസ്ട്രേറ്റ് അറിയിച്ചിട്ടുണ്ട്.