മുഖ്യമന്ത്രിയുടെ ഓഫീസിലെ സിസിടിവി ദൃശ്യങ്ങൾ പുറത്തുവിടണം: ഷിബു ബേബി ജോൺ
7 July 2020
സ്വർണക്കടത്തു കേസുമായി ബന്ധപ്പെട്ട വിഷയത്തിൽ മുഖ്യമന്ത്രിയുടെ ഓഫീസിലെ സിസിടിവി ദൃശ്യങ്ങൾ പുറത്തുവിടണമെന്ന് ആവശ്യപ്പെട്ട് ആർഎസ്പി നേതാവ് ഷിബു ബേബി ജോൺ രംഗത്ത്. പ്ലസ് ടു യോഗ്യത മാത്രമുള്ള സ്വപ്ന സുരേഷിന് ഐടി വകുപ്പിൽ എങ്ങനെ ജോലി ലഭിച്ചുവെന്നും ഷിബു ബേബി ജോൺ ചോദിച്ചു.
ശിവശങ്കറിനെതിരെ അടുത്തകാലത്ത് ഉയർന്ന ആരോപണങ്ങളെല്ലാം അന്വേഷിക്കാൻ സർക്കാർ തയാറാവണം. സ്വർണക്കടത്തിൽ മുഖ്യമന്ത്രിയുമായി അടുപ്പമുള്ള ഒരു ഉന്നതൻ കൂടി ബന്ധപ്പെട്ടിട്ടുണ്ടെന്നും ഷിബു ബേബി ജോൺ പറഞ്ഞു.