സംസ്ഥാനത്ത് 22 മുതല് 26 വരെയുളള ദിവസങ്ങളില് ശക്തമായ മഴ
വരും ദിവസങ്ങളില് സംസ്ഥാനത്ത് പരക്കെ മഴ പെയ്യുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. കാലവര്ഷം ശക്തമാകുന്നതിന്റെ ഭാഗമായി 22 മുതല് 26 വരെയുളള ദിവസങ്ങളില് കനത്ത മഴയാണ് കാലാവസ്ഥ വകുപ്പ് പ്രവചിച്ചിരിക്കുന്നത്. വെളളിയാഴ്ച ഇടുക്കി ഒഴികെ എല്ലാ ജില്ലകളിലും യെല്ലോ അലര്ട്ട് പ്രഖ്യാപിച്ചു.
ഇടുക്കിയില് അതി തീവ്ര മഴ പെയ്യുമെന്ന പ്രവചനത്തിന്റെ അടിസ്ഥാനത്തില് മുന്കരുതലിന്റെ ഭാഗമായി ഓറഞ്ച് അലര്ട്ട് പ്രഖ്യാപിച്ചു. അതിനിടെ, അടുത്ത മൂന്ന് മണിക്കൂറിനിടെ കോട്ടയം, ആലപ്പുഴ എന്നി ജില്ലകളില് ചിലയിടങ്ങളില് മഴയ്ക്കു സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു.
ഇന്ന് സംസ്ഥാനത്ത് എട്ടു ജില്ലകളില് കനത്ത മഴ പെയ്യാന് സാധ്യത. ആലപ്പുഴ, എറണാകുളം, ഇടുക്കി, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലാണ് ജാഗ്രതാ നിര്ദേശം നല്കിയത്. നാളെ ഒരിടത്തും മഞ്ഞ അലര്ട്ട് ഇല്ല. ബുധനാഴ്ച കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളില് യെല്ലോ അലര്ട്ട് പ്രഖ്യാപിച്ചു.